قاراعاندى وبلىسىندا پوليتسيا قىزمەتكەرلەرى قىلمىسقا قاتىسى بار 50 جاستاعى كۇدىكتىنى ۇستادى. الدىن الا مالىمەت بويىنشا, ول زەينەتكەرلەرگە قارسى جاسالعان بىرنەشە ۇرلىققا قاتىستى كۇدىككە ءىلىنىپ وتىر, دەپ حابارلايدى Egemen.kz.
كۇدىكتى الدىن الا ويلاستىرىلعان سحەما بويىنشا ءتۇرلى سىلتاۋلارمەن قارتتاردىڭ پاتەرىنە كىرگەن. سەنىمىنە كىرىپ, جيناعان اقشالارىنىڭ قايدا ساقتالعانىن بىلگەن سوڭ, ىڭعايلى ءساتتى پايدالانىپ, قاراجاتتى ۇرلاپ, ء«ىزىن سۋىتقان». سونىڭ سالدارىنان جابىرلەنۋشىلەر كۇنكورىس قاراجاتىنان ايىرىلعان. وسىلايشا پوليتسياعا 83 جاستاعى قاراعاندىلىق ايەل جۇگىنىپ, شاعىمدانۋشىنىڭ كورسەتۋلەرى بويىنشا جەدەل-ىزدەستىرۋ شارالارى قولعا الىنعان.
اقشا ۇرلاعان بۋحگالتەر 7 جىلعا سوتتالدى
«قازىبەك بي اتىنداعى اۋداندىق پوليتسيا ءبولىمىنىڭ قىزمەتكەرلەرى كوپ ۇزاماي كۇدىكتىنىڭ جەكە باسىن انىقتاپ, ونى ۇستادى. تەرگەۋ بارىسىندا ەر ادام 83 جاستاعى ايەلدىڭ اقشاسىن ۇرلاعانىن مويىنداپ قانا قويماي, تاعى ءبىر ۇقساس قىلمىس جاساعانىن دا راستادى», دەلىنگەن ىشكى ىستەر مينيسترلىگىنىڭ رەسمي حابارلاماسىندا.
اقمولا وبلىسىندا اۋرۋحانا ەسەپشىسى 10 ميلليون تەڭگەگە جۋىق اقشا ۇرلاعان
قازىرگى ۋاقىتتا قوزعالعان قىلمىستىق ءىس اياسىندا تەرگەۋ جانە جەدەل شارالار جالعاسىپ جاتىر. پوليتسيا كۇدىكتىنىڭ بۇعان دەيىن زەينەتكەرلەرگە قاتىستى جاسالعان باسقا دا ۇرلىقتارعا قاتىسى بار-جوعىن مۇقيات تەكسەرىپ جاتىر.
نۇربولات امانبەك