تسيفرلىق ترانسفورماتسيا اياسىندا ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى جاساندى ينتەللەكتكە نەگىزدەلگەن ۆيرتۋالدى كومەكشى «AI Stat» سەرۆيسىن ىسكە قوستى. جاڭا جۇيە ستاتيستيكالىق اقپاراتپەن جۇمىستى جەڭىلدەتىپ, پايدالانۋشىلاردىڭ جۇكتەمەسىن ازايتۋعا باعىتتالعان, دەپ حابارلايدى Egemen.kz.
سەرۆيس ستاتيستيكالىق ەسەپتىلىكتى تەز تۇسىنۋگە, قاجەتتى دەرەكتەردى جىلدام تابۋعا جانە بيۋرو قىزمەتتەرىن بايلانىس ورتالىعىنا جۇگىنبەي-اق پايدالانۋعا مۇمكىندىك بەرەدى.
پيلوتتىق كەزەڭ جانە جەتىلدىرۋجوبا 2026 جىلدىڭ ءساۋىر ايىندا پيلوتتىق رەجيمدە ىسكە قوسىلعان. تەستىلەۋ ناتيجەلەرى بويىنشا سەرۆيس جەتىلدىرىلىپ, ءبىلىم بازاسى كەڭەيتىلدى, سۇرانىستاردى وڭدەۋ الگوريتمدەرى جاقسارتىلدى, جاۋاپتاردىڭ دالدىگى مەن تولىقتىعى ارتتى.
«AI Stat» بيۋرونىڭ تسيفرلىق ەكوجۇيەسىنە تولىق ينتەگراتسيالانعان جانە رەسپوندەنتتەر مەن پايدالانۋشىلارعا ىڭعايلى بولۋعا باعىتتالعان. ول ءبىر ينتەرفەيس ارقىلى كەڭەس بەرۋ, دەرەكتەر بويىنشا ناۆيگاتسيا جانە ەسەپتىلىككە قاتىستى قولداۋ قىزمەتىن بىرىكتىرەدى.
سەرۆيستىڭ نەگىزگى مۇمكىندىكتەرىۆيرتۋالدى كومەكشى ديالوگ فورماتىندا جۇمىس ىستەپ, پايدالانۋشىنى نەگىزگى پروتسەستەردە سۇيەمەلدەيدى. اتاپ ايتقاندا, ول:
ستاتيستيكالىق ەسەپتىلىك بويىنشا كەڭەس بەرەدى; ەسەپ فورمالارىن تولتىرۋعا كومەكتەسەدى; قاتەلىكتەردىڭ الدىن الۋعا ىقپال ەتەدى; دەرەكتەردى ىزدەۋ مەن تسيفرلىق سەرۆيستەردە ناۆيگاتسيانى جەڭىلدەتەدى, سونىڭ ىشىندە «رەسپوندەنت كابينەتىمەن» جۇمىس ىستەۋگە كومەكتەسەدى.سونىمەن قاتار, جۇيە بسن نەمەسە جسن بويىنشا مىندەتتى ستاتيستيكالىق فورمالاردىڭ ءتىزىمىن اۆتوماتتى تۇردە قالىپتاستىرادى, قىزمەت تۇرىنە قاراي ەقجج كودتارىن ۇسىنادى جانە قاجەت بولعان جاعدايدا بايلانىس ورتالىعىنا ءوتىنىش جولدايدى.
«قوزى كورپەش – بايان سۇلۋ» ەپوسى جەلىسىمەن جي-فيلم ءتۇسىرىلدى
وسىلايشا, «AI Stat» العاشقى قولداۋ دەڭگەيىندەگى قىزمەتتى اتقارىپ, وپەراتورلاردىڭ جۇكتەمەسىن ازايتادى جانە پايدالانۋشىلارعا اقپاراتتى جىلدام الۋعا مۇمكىندىك بەرەدى.
تسيفرلىق دامۋدىڭ جاڭا كەزەڭىبيۋرو باسشىسى ماقسات تۇرلىباەۆتىڭ ايتۋىنشا, بۇگىندە پايدالانۋشىلار دەرەكتەرگە جىلدام ءارى وڭاي قول جەتكىزۋدى كۇتەدى. «AI Stat» وسى سۇرانىسقا جاۋاپ بەرەتىن جانە مەملەكەتتىك سەكتوردا جاساندى ينتەللەكت شەشىمدەرىن دامىتۋعا باعىتتالعان ماڭىزدى قادام بولماق.
الەمدىك ساراپشى لي كاي فۋ الماتىدا جي بويىنشا ساباق وتكىزدى
سەرۆيس قازىردىڭ وزىندە ەكى تىلدە قولجەتىمدى. الداعى ۋاقىتتا ونىڭ اعىلشىن تىلىندەگى نۇسقاسىن ىسكە قوسۋ جوسپارلانىپ وتىر. جوبانى دامىتۋ اياسىندا فۋنكتسيونال كەڭەيتىلىپ, جاڭا قولدانۋ ستسەناريلەرى ەنگىزىلمەك.