پرەزيدەنت مەيمانعا ءىلتيپات كورسەتىپ, Presight AI كومپانياسىمەن ىنتىماقتاستىق جوعارى دەڭگەيدە ەكەنىن اتاپ ءوتتى. سونداي-اق كاسىپورىننىڭ ەلىمىزدەگى جاساندى ينتەللەكت سالاسىنداعى شەشىمدەردى دامىتۋعا زور ۇلەس قوسىپ كەلە جاتقانىنا ريزاشىلىق ءبىلدىردى, دەپ حابارلايدى Egemen.kz.
مەملەكەت باسشىسى ناقتى باستامالاردى ىسكە اسىرۋ ارقىلى سەرىكتەستىكتى ودان ءارى كەڭەيتۋگە ايتارلىقتاي الەۋەت بار ەكەنىنە توقتالدى.
توماس پراموتەدحام قاسىم-جومارت توقاەۆقا كومپانيانىڭ «دەرەكتەردى وڭدەۋ ورتالىعى القابى» جوباسىنا قاتىسۋعا قىزىعۋشىلىق تانىتىپ وتىرعانىن ايتتى. بۇل – جاساندى ينتەللەكت, ەسەپتەۋىش قۋات پەن تسيفرلىق سەرۆيس ينفراقۇرىلىمىن دامىتۋدى كوزدەيتىن ارنايى ەكوجۇيە.
سونىمەن قاتار Smart City باستاماسىنا ايرىقشا نازار اۋدارىلدى. مەملەكەت باسشىسى كومپانيانىڭ وسىعان دەيىن استانادا جۇزەگە اسىرعان جوباسى وڭ ناتيجە كورسەتىپ, حالىقتىڭ قاۋىپسىزدىگى مەن تۇرمىس ساپاسىن جاقسارتۋعا سەپتىگىن تيگىزگەنىن جەتكىزدى. بۇل رەتتە اتالعان شەشىمدى الماتى قالاسىنا ەنگىزۋ پەرسپەكتيۆاسى قاراستىرىلدى.
مەملەكەت باسشىسىنا Defense Tech جوباسى تانىستىرىلدى