امەريكالىق كينواكادەميا كينو سالاسىندا جاساندى ينتەللەكتىنى قولدانۋعا قاتىستى جاڭا تالاپتاردى بەكىتتى. جاڭا ەرەجەلەرگە سايكەس, «وسكار» سىيلىعىنا ۇسىنىلاتىن ستسەناريلەردى تولىقتاي ادام جازۋى ءتيىس, دەپ حابارلايدى Egemen.kz.
كينواكادەميانىڭ شەشىمىنە ساي, اكتەرلىك نوميناتسيالارعا ۇمىتكەرلەر تەك ادام ورىنداۋشىلار بولۋى كەرەك. ياعني, باستى تالاپتاردىڭ ءبىرى – ءرولدىڭ ناقتى اكتەردىڭ قاتىسۋىمەن ورىندالۋى جانە ونىڭ كەلىسىمىنىڭ بولۋى. بۇل وزگەرىس جاساندى ينتەللەكت كومەگىمەن جاسالعان نەمەسە تولىعىمەن تسيفرلىق تاسىلمەن قۇراستىرىلعان كەيىپكەرلەردىڭ نوميناتسياعا قاتىسۋىن شەكتەيدى.
سونىمەن قاتار فيلمدەردە تەحنولوگيالاردى قولدانۋ ءاربىر جاعدايدا جەكە قاراستىرىلاتىن بولادى. كينواكادەميا وكىلدەرى شىعارماشىلىق پروتسەستە باستى ءرولدى ادام اتقارۋى ءتيىس ەكەنىن اتاپ ءوتتى.
«وسكار-2026» سىيلىعىنىڭ جەڭىمپازدارى انىقتالدى
جاڭا ەرەجەلەر 99-شى «وسكار» سالتاناتىنان باستاپ كۇشىنە ەنەدى. ول كەلەسى جىلدىڭ ناۋرىز ايىندا وتەدى دەپ جوسپارلانعان.
بۇدان بولەك, اكتەرلەرگە ءبىر ساناتتا بىرنەشە رولمەن نوميناتسياعا تۇسۋگە رۇقسات بەرىلەدى. ال حالىقارالىق كينو نوميناتسياسى بويىنشا ءبىر ەلدەن بىرنەشە فيلم ۇسىنۋعا مۇمكىندىك جاسالادى.