مامىر ايىنداعى مەرەكەلىك كەزەڭدە جولاۋشىلار سۇرانىسىنىڭ ارتۋىنا بايلانىستى ۇلتتىق تاسىمالداۋشى قوسىمشا پويىز قۇرامدارىن ىسكە قوسادى. 6-11 مامىر ارالىعىندا نەگىزگى باعىتتار بويىنشا ۆاگوندار سانى كوبەيتىلىپ, جولاۋشىلارعا قوسىمشا ورىندار ۇسىنىلماق, دەپ حابارلايدى Egemen.kz.
ۆەدومستۆونىڭ مالىمەتىنشە, اتالعان كەزەڭدە پويىزدارعا 175 قوسىمشا ۆاگون تىركەلەدى. سونىڭ ناتيجەسىندە شامامەن 16 مىڭعا جۋىق قوسىمشا ورىن اشىلادى. بۇل شارا مەرەكە كۇندەرى بيلەتتەر تاپشىلىعىن بولدىرماۋعا باعىتتالعان.
قوسىمشا ۆاگوندار استانا, الماتى, پاۆلودار, تۇركىستان, اتىراۋ, پەتروپاۆل, سەمەي, قىزىلوردا, اقتوبە, ماڭعىستاۋ, قاراعاندى, جەزقازعان, وسكەمەن جانە باسقا دا قالالار باعىتتارىندا قاتىنايدى. سونداي-اق حالىقارالىق جانە وڭىرلىك باعىتتار دا قامتىلادى.
قتج مەرەكەلىك دەمالىستارعا قاتىستى ۇندەۋ جاسادى: پويىز كەستەسى وزگەرە مە؟
جولاۋشىلار بيلەتتەردى كوميسسياسىز تۇردە bilet.railways.kz رەسمي سايتى ارقىلى نەمەسە «جولاۋشىلار تاسىمالى» اق كاسسالارىنان ساتىپ الا الادى.
قوسىمشا اقپارات 1433 بايلانىس ورتالىعى ارقىلى جانە كومپانيانىڭ رەسمي Instagram پاراقشاسى @jolaushylar_tasymaly ارقىلى قولجەتىمدى. پويىز قوزعالىسى تۋرالى وزەكتى مالىمەتتەر tablo-railways.kz ونلاين-تاقتاسىندا جاريالانىپ وتىرادى.