مەملەكەت باسشىسىنىڭ تاپسىرماسىن ورىنداۋ شەڭبەرىندە ۇكىمەت ريددەر قالاسىنىڭ جىلۋ ينفراقۇرىلىمىن جاڭارتۋعا شامامەن 1,8 ملرد تەڭگە ءبولدى. قاراجات ەلدى مەكەندى جىلۋمەن قامتۋ سەنىمدىلىگىن ارتتىرۋعا باعىتتالىپ وتىر, دەپ جازادى Egemen.kz.
ءتيىستى قاۋلىعا پرەمەر-مينيستر ولجاس بەكتەنوۆ قول قويدى. بولىنگەن قارجى جىلۋ جەلىلەرى مەن جىلۋ ەلەكتر ورتالىعىنىڭ جابدىقتارىن جوندەۋگە جۇمسالادى. اتاپ ايتقاندا, جىلۋ جەلىسىنىڭ توزىعى جەتكەن 12 ۋچاسكەسىن قالپىنا كەلتىرۋ, سونداي-اق ريددەر جەو-داعى №5 جانە №6 قازاندىق اگرەگاتتارىن كۇردەلى جوندەۋدەن وتكىزۋ جوسپارلانىپ وتىر.
اكىمدىكتەردە ۇيلەستىرۋ جوق: ۇكىمەت باسشىسى جەرگىلىكتى جەردەگى كەمشىلىكتەردى اتاپ ءوتتى
ماماندار جۇرگىزگەن تەحنيكالىق تەكسەرۋ ناتيجەلەرى جوندەۋ جۇمىستارىنىڭ قاجەتتىلىگىن تولىق راستاعان. زەرتتەۋ بارىسىندا جىلۋ جۇيەسىنىڭ تۇراقتى جۇمىسىن قامتاماسىز ەتۋ ءۇشىن ءبىرىنشى كەزەكتە جاڭارتۋدى قاجەت ەتەتىن ۋچاسكەلەر مەن جابدىقتار انىقتالدى. وتكەن جىلىتۋ ماۋسىمى كەزىندە جەكەلەگەن نىسانداردا اقاۋلار مەن توزۋ بەلگىلەرى تىركەلىپ, ولاردى جوسپارلى تۇردە جاڭارتۋ قاجەت ەكەنى بەلگىلى بولدى.
جوسپارلانعان جۇمىستاردى ىسكە اسىرۋ 2026–2027 جىلدارداعى جىلىتۋ ماۋسىمىنا دايىندىقتى كۇشەيتىپ, قالا تۇرعىندارىن جىلۋمەن قامتۋ ساپاسىن ارتتىرۋعا مۇمكىندىك بەرەدى. ناتيجەسىندە, ريددەردەگى جىلۋ جۇيەسىنىڭ تۇراقتىلىعى قامتاماسىز ەتىلىپ, ينفراقۇرىلىمنىڭ سەنىمدىلىگى ايتارلىقتاي جاقسارادى.
قازاقستان كريپتوحابقا اينالادى: پرەزيدەنت ۇكىمەت پەن ۇلتتىق بانككە شۇعىل تاپسىرما بەردى