لەيپتسيگ قالاسىندا جەڭىل اۆتوكولىك ادامدار توبىنا سوعىلىپ, قايعىلى وقيعا بولعان. سالدارىنان كەمىندە ەكى ادام قازا تاۋىپ, بىرنەشە ادام جاراقات العان, دەپ جازادى Egemen.kz.
وقيعا تۋرالى گەرمانيانىڭ حالىقارالىق قوعامدىق مەدياكومپانياسى Deutsche Welle (DW) حابارلاعان. الدىن الا مالىمەتكە سايكەس, كولىك قالا ورتالىعىنداعى جاياۋ جۇرگىنشىلەر كوپ جۇرەتىن گريممايشە كوشەسىندە ادامداردى قاعىپ كەتكەن. بۇل كوشە لەيپتسيگتىڭ باستى كورىكتى ورىندارىن ورتالىق الاڭمەن بايلانىستىرادى.
ەلورداداعى جانتۇرشىگەرلىك جاعداي: ەۆاكۋاتور جۇرگىزۋشىسى ايالداماعا سوعىلدى
وقيعا ورنىنا جەدەل جاردەم, پوليتسيا, ءورت ءسوندىرۋ قىزمەتى جانە تىكۇشاق تارتىلىپ, قۇتقارۋ جۇمىستارى جەدەل جۇرگىزىلگەن.
ساكسونيا جەرىنىڭ پوليتسياسى تاراتقان اقپاراتقا سايكەس, كولىك جۇرگىزۋشىسى ۇستالعان. ونىڭ ارەكەتىنە قاتىستى تەرگەۋ جۇرگىزىلىپ, وقيعانىڭ بارلىق ءمان-جايى انىقتالىپ جاتىر.
جانتۇرشىگەرلىك وقيعا: جىتىقارادا ءجاسوسپىرىم اناسىن قۇتقارامىن دەپ قازا تاپتى