ۇلتتىق وليمپيادا كوميتەتىنىڭ مالىمەتىنشە, قازاقستان ەرلەر قۇراماسى ۇستەل تەننيسىنەن لوندوندا ءوتىپ جاتقان الەم چەمپيوناتىندا تاريحتا العاش رەت 1/8 فينالعا شىقتى. ەندى ۇلتتىق قۇراما شيرەك فينال جولداماسى ءۇشىن شەشۋشى كەزەڭدە باق سىنايدى, دەپ جازادى Egemen.kz.
لوندون قالاسىندا ءوتىپ جاتقان جارىستىڭ 1/16 فينالىندا وتانداستارىمىز يسپانيا قۇراماسىمەن كەزدەستى.
لوندوندا ۇستەل تەننيسىنەن الەم چەمپيوناتى ءوتىپ جاتىر
العاشقى ويىندا الان قۇرمانعاليەۆ الۆارو روبلەستى 3:1 ەسەبىمەن جەڭىپ, ەسەپ اشتى.
كەلەسى ماتچتا كيريلل گەراسيمەنكو حۋان پەرەستى ءدال وسىنداي ەسەپپەن ۇتىپ, قازاقستان قۇراماسىنىڭ باسىمدىعىن ارتتىردى.
ءۇشىنشى كەزدەسۋدە يسپانيالىق دانيەل بەرزوسا ايدوس كەنجىعۇلوۆتى 3:1 ەسەبىمەن جەڭىپ, ەسەپ ايىرماسىن قىسقارتتى.
الايدا شەشۋشى ويىندا كيريلل گەراسيمەنكو الۆارو روبلەستى 3:0 ەسەبىمەن ايقىن باسىمدىقپەن ۇتىپ, ماتچ نۇكتەسىن قويدى. قورىتىندى ەسەپ – 3:1.
وسىلايشا, قازاقستان قۇراماسى 1/8 فينالعا جولداما الىپ, كەلەسى كەزەڭدە جاپونيا مەن بەلگيا قۇرامالارى اراسىنداعى كەزدەسۋدىڭ جەڭىمپازىمەن وينايدى. بۇل – وتاندىق ۇستەل تەننيسى تاريحىنداعى ەڭ ۇزدىك ناتيجەلەردىڭ ءبىرى.
يوگامەن شۇعىلدانامىن, ۇستەل تەننيسىن وينايمىن. پرەزيدەنت دەنساۋلىعىنا قاتىستى ساۋالعا جاۋاپ بەردى