ۇلىتاۋ وبلىسىنىڭ ارنايى پروكۋرورلارى قازاقستان اۋماعىندا «Kaef Mafia» Telegram-دۇكەنى ارقىلى سينتەتيكالىق ەسىرتكى زاتتارىن تاراتۋمەن اينالىسقان ترانسۇلتتىق قىلمىستىق توپتىڭ قىزمەتىن توقتاتتى. ناتيجەسىندە 3,5 كيلوگرامم ەسىتكى زاتتارى تاركىلەندى, دەپ حابارلايدى Egemen.kz.
قىلمىستىق سحەما حالىقارالىق سيپاتقا يە بولىپ, ەسىرتكى قۇرالدارىن جەتكىزۋ, بۋىپ-ءتۇيۋ جانە تاراتۋ فۋنكتسيالارىن اتقارعان تۇراقتى قاتىسۋشىلار جەلىسىن قامتىعان, ال تولەمدەر كريپتوۆاليۋتا ارقىلى جۇرگىزىلگەن. سونىمەن قاتار, توپتىڭ نەگىزگى ماقساتتارىنىڭ ءبىرى ازاماتتاردى, ونىڭ ىشىندە جاستاردى پسيحوتروپتىق زاتتاردىڭ زاڭسىز اينالىمىنا جۇيەلى تۇردە تارتۋ بولعان.
قىزىلوردادا ەسىرتكى ساتقان ازامات 8 جىلعا سوتتالدى
وبلىستىق پروكۋراتۋرا مالىمەتىنشە, 2025 جىلى ۇلىتاۋ وبلىسى سوتىنىڭ ۇكىمىمەن اتالعان توپتىڭ ەكى قاتىسۋشىسى كىنالى دەپ تانىلىپ, 16 جىلدان 18 جىلعا دەيىنگى مەرزىمگە باس بوستاندىعىنان ايىرىلعان. وسىعان قاراماستان, ارنايى پروكۋرورلاردىڭ ودان ءارى جۇرگىزگەن جۇمىستارى بارىسىندا قىلمىستىق جەلىنىڭ قالعان بولىگى اشكەرەلەنىپ وتىر.
«جەدەل-تەرگەۋ ءىس-شارالارىنىڭ كەشەنى ناتيجەسىندە قاراعاندى جانە ۇلىتاۋ وبلىستارىنىڭ اۋماعىندا قىلمىستىق سحەمانىڭ ءۇش قاتىسۋشىسى ۇستالدى. كەيىن جەزقازعان قالاسىنىڭ تاعى ەكى تۇرعىنى ۇستالىپ, ولاردان شامامەن 1 كيلوگرامم پسيحوتروپتىق زاتتار تابىلدى. قىلمىستىق تىزبەكتى جۇيەلى تۇردە پىسىقتاۋ بارىسىندا ارنايى پروكۋرورلار جەتكىزۋشىلەردىڭ بىرىنە شىقتى. ودان 850 گرامم ەسىرتكى زاتتارى تاركىلەندى. كەيىنگى ءىس-شارالار بارىسىندا جەتكىزۋ ارناسى انىقتالىپ, جونەلتۋشى رەتىندە قاراعاندى قالاسىنىڭ تۇرعىنى بەلگىلى بولدى. جۇرگىزىلگەن وپەراتسيا ناتيجەسىندە ترانسۇلتتىق ەسىرتكى جەلىسىنىڭ بۋىنى جويىلىپ, قاتىسۋشىلارى ۇستالدى, زاڭسىز اينالىمنان شامامەن 3,5 كيلوگرامم سينتەتيكالىق ەسىرتكى زاتتارى شىعارىلدى», دەلىنگەن وبلىستىق پروكۋراتۋرانىڭ رەسمي مالىمدەمەسىندە.
ىشكى ىستەر مينيسترلىگى 34 جاسىرىن ەسىرتكى زەرتحاناسىن جويدى
قازىرگى ۋاقىتتا ءۇش ايىپتالۋشىعا قاتىستى قىلمىستىق ءىس سوتتا قارالىپ جاتىر, تاعى ءتورت تۇلعا بويىنشا سوتقا دەيىنگى تەرگەۋ اياقتالۋ ساتىسىندا.
نۇربولات امانبەك