مەملەكەت باسشىسى داۋىس بەرۋ ناتيجەسى ماجار حالقى TISZA پارتياسىنىڭ جەتەكشىلەرى مەن باعدارلاماسىنا جوعارى دەڭگەيدە سەنىم بىلدىرگەنىن كورسەتىپ, بۇل ماجارستاننىڭ ورنىقتى دامۋىن قامتاماسىز ەتەتىنىن اتاپ ءوتتى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت استانانىڭ بۋداپەشتپەن ستراتەگيالىق سەرىكتەستىكتى نىعايتۋعا ايرىقشا ءمان بەرەتىنىنە توقتالىپ, قوس حالىقتىڭ يگىلىگى ءۇشىن ەكىجاقتى ىنتىماقتاستىقتى كەڭەيتۋگە دايىن ەكەنىن راستادى. قاسىم-جومارت توقاەۆ پەتەر مادياردىڭ اسا جاۋاپتى قىزمەتىنە تابىس, ال دوستاس ماجار حالقىنا قۇت-بەرەكە تىلەدى.
بۇعان دەيىن پرەزيدەنت «قازاقستان حالقىنا» قوعامدىق قورىنىڭ باسقارما ءتورايىمىن قابىلدادى. سونداي-اق بۇگىن مەملەكەت باسشىسى جەتىسۋ وبلىسىنىڭ اكىمى بەيبىت يساباەۆتى قابىلداپ, وڭىردە ءتۋريزمدى دامىتۋعا قاتىستى بىرقاتار تاپسىرما بەردى.