استانا. 23 ءساۋىر. ۋرۋۆايدا تابيعات اپاتىنان 12 مىڭنان استام ادام باسپانالارىن تاستاپ كەتۋگە ءماجبۇر بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
تورنادو مەن نوسەر جاڭبىردىڭ سالدارىنان مەملەكەتتىڭ 18 دەپارتامەنتىنە ۇلكەن شىعىن كەلدى. وسىعان بايلانىستى دۋراسنو ايماعىندا 3359 ادام, پايساندۋدا 2025 ادام, كولونيادا 1650 ادام جانە سان-حوسەدە 1250 ادام ءوز ۇيلەرىن تاستاپ, قاۋىپسىز جاققا كوشىرىلدى.
قولايسىز اۋا رايىنان 9 ادام قازا تاپتى. ونىڭ بەسەۋى 15 ءساۋىر كۇنى ەلدىڭ وڭتۇستىك-باتىسىنداعى دولورەس دەپارتامەنتىندە بولعان جويقىن تورنادودان كەيىن مەرت بولعان, 200-دەن استام تۇرعىن ءتۇرلى دەڭگەيدە جاراقات الدى. قالعان ءتورت ادام تاسقىن سۋدىڭ قۇربانى بولدى. سونىمەن قاتار, جۇزدەگەن عيماراتقا زاقىم كەلدى.
ايان ءابدۋالي.
دەرەك, فوتو: تاسس.