ەلىمىزدە بالالاردىڭ انا اتانۋى – قوعامدى تولعاندىرعان وزەكتى ماسەلەلەردىڭ ءبىرى. كوبىنە زورلىق-زومبىلىقتىڭ سالدارىنان بولاتىن ەرتە جۇكتىلىك جاعدايلارى سوڭعى كەزدەرى جيىلەپ كەتتى, دەپ حابارلايدى Egemen.kz.
Ranking.kz ساراپشىلارى 2025 جىلعى ستاتيستيكالىق مالىمەتتەردى نەگىزگە الا وتىرىپ, وسى باعىتتا ارنايى زەرتتەۋ جۇرگىزدى.
2025 جىلدىڭ قورىتىندىسى بويىنشا, 15 پەن 19 جاس ارالىعىنداعى ءار 1 مىڭ قىز بالاعا شاققانداعى تۋ كوەففيتسيەنتى رەسپۋبليكا بويىنشا 12,96 دەڭگەيىندە تىركەلدى. بۇل كورسەتكىش اۋىلدىق جەرلەردە قالاعا قاراعاندا الدەقايدا جوعارى بولىپ شىقتى.
جاسوسپىرىمدەر اراسىنداعى بالا تۋ دەڭگەيى مىنا وڭىرلەردە باسىم:
جامبىل وبلىسى – 19,67; ماڭعىستاۋ وبلىسى – 18,87; تۇركىستان وبلىسى – 18,51.دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, ءجاسوسپىرىم قىزدار اراسىنداعى ءولىم-ءجىتىمنىڭ باستى سەبەبى – جۇكتىلىك پەن بوسانۋ كەزىندەگى مەديتسينالىق اسقىنۋلار. قازاقستاندا 2024 جىلى 616 كامەلەتكە تولماعان قىز بالا رەسمي نەكەگە تۇردى. ستاتيستيكا كورسەتكەندەي, قىزدار كوبىنە وزدەرىنەن الدەقايدا ەرەسەك ەر ادامدارمەن وتباسىن قۇرادى. مىسالى, كامەلەتكە تولماي ۇيلەنگەن ۇلداردىڭ سانى قىزدارعا قاراعاندا 10 ەسە از.
اقتوبە وبلىسىندا ءبىر جىلدا 100-گە جۋىق ءجاسوسپىرىم قىز جۇكتى بولىپ قالعان
ساراپشىلار تۇركىستان جانە قىزىلوردا وبلىستارىنىڭ دەرەكتەرىن سالىستىردى. قىزىلوردا وبلىسىندا جالپى تۋ كورسەتكىشى جوعارى بولعانىمەن, جاسوسپىرىمدەر اراسىنداعى بالا تۋ دەڭگەيى رەسپۋبليكالىق ورتاشا كورسەتكىشتەن تومەن. بۇل وڭىردە نەگىزىنەن 25-39 جاس ارالىعىنداعى ەرەسەك ايەلدەر بوسانادى. ال تۇركىستان وبلىسىندا كەرىسىنشە, جاس انالاردىڭ ۇلەسى باسىم.
ءتىپتى 10-14 جاس ارالىعىنداعى بۇلدىرشىندەردىڭ انا اتانۋ جاعدايلارى ۇلىتاۋ, قاراعاندى جانە قوستاناي وبلىستارىندا دا تىركەلگەن.