يراننىڭ ازاماتتىق اۆياتسيا باسقارماسى 18 ءساۋىر كۇنى تاڭەرتەڭنەن باستاپ ەلدىڭ اۋە كەڭىستىگىن ءىشىنارا اشقانىن جاريالادى, دەپ حابارلايدى Egemen.kz.
مالىمەتتەرگە سۇيەنسەك, 18 ءساۋىر كۇنى جەرگىلىكتى ۋاقىت بويىنشا تاڭعى ساعات 07:00-دەن باستاپ ەل اسپانىنىڭ ءبىر بولىگىندە ۇشۋلارعا رۇقسات بەرىلگەن. بۇل شەشىم ۇلتتىق ازاماتتىق-اسكەري ۇيلەستىرۋ كوميتەتىندە قاۋىپسىزدىك تالاپتارى جان-جاقتى زەردەلەنگەننەن كەيىن قابىلدانعان.
ورمۇز بۇعازى اشىلدى: يران ماڭىزدى تەڭىز جولىن قايتا ىسكە قوستى
«وسىعان سايكەس, سونداي-اق ۇشۋ قۇرامىنا ارنالعان حابارلاما (NOTAM) نەگىزىندە ەلدىڭ اۋە كەڭىستىگى مەن بىرقاتار اۋەجايلار 18 ءساۋىر كۇنى تاڭعى ساعات 07:00-دەن باستاپ اشىلدى», دەلىنگەن مالىمدەمەدە.
اقش-يران: ۋاقىتشا مامىلە بەيبىتشىلىككە باستاسا يگى
سونىمەن قاتار اۋەجايلاردىڭ جۇمىسى بىردەن ەمەس, بىرتىندەپ قالپىنا كەلەتىنى حابارلاندى. بۇل پروتسەسس اسكەري جانە ازاماتتىق قىزمەتتەردىڭ دايىندىعىنا قاراي جۇزەگە اسپاق.