تاياۋ شىعىستاعى جاعداي كۇرت كۇردەلەندى. يران بيلىگى ورمۇ بۇعازىن قايتادان جاۋىپ, ستراتەگيالىق سۋ جولىن قاتاڭ باقىلاۋعا الاتىنىن مالىمدەدى. تەگەران مۇنداي قادامعا اقش-تىڭ يران پورتتارىنا قويعان تەڭىز بلوكاداسىنا جاۋاپ رەتىندە بارىپ وتىر, دەپ حابارلايدى Egemen.kz.
رەسمي مالىمەتكە سۇيەنسەك, بۇعاز ارقىلى كەمەلەر قوزعالىسىنا قويىلعان شەكتەۋلەر اقش يرانعا باعىتتالعان جانە ودان شىعاتىن جۇكتەردىڭ ەركىن وتۋىنە رۇقسات بەرگەنگە دەيىن كۇشىندە قالادى.
يران مەن اقش ەكى اپتالىق بىتىمگە كەلدى: ورمۇز بۇعازى اشىلادى
يران تاراپى بۇعان دەيىن كەلىسسوزدەر بارىسىندا ىزگى نيەت تانىتىپ, ازاماتتىق كەمەلەردىڭ ءبىر بولىگىنە باقىلاۋمەن وتۋگە رۇقسات بەرگەن بولاتىن. الايدا يراندىق اسكەريلەردىڭ ايتۋىنشا, ۆاشينگتون ءوز مىندەتتەمەلەرىن ورىنداماي, تەڭىز بلوكاداسىن جالعاستىرعان.
«وسىعان بايلانىستى ورمۇز بۇعازى قايتا جابىلدى جانە ول يران قارۋلى كۇشتەرىنىڭ قاتاڭ باقىلاۋىندا بولادى», دەپ ايتىلعان شتاب حابارلاماسىندا.
اقش پەن يران اراسىنداعى سوعىس سالدارى: ساۋد ارابياسىنىڭ مۇناي ەكسپورتى 50%-عا تومەندەدى