قىتاي حالىق رەسپۋبليكاسىنىڭ حەبەي ولكەسىندەگى چجانتسزياكوۋ قالاسىنا قاراستى چجانبەي ۋەزىندە ۇلى وتان سوعىسىنداعى جەڭىستىڭ 81 جىلدىعىنا وراي كەڭەس جانە موڭعول جاۋىنگەرلەرىنە ارنالعان ەسكەرتكىشكە گۇل شوقتارىن قويۋ ءراسىمى ءوتتى, دەپ حابارلايدى Egemen.kz.
قازاقستان اتىنان بۇل ءىس-شاراعا قىتاي حالىق رەسپۋبليكاسىنداعى قازاقستان رەسپۋبليكاسى ەلشىلىگىنىڭ قورعانىس ماسەلەلەرى جونىندەگى اتتاشەسى گەنەرال-لەيتەنانت مارات قۇسايىنوۆ باستاعان دەلەگاتسيا قاتىستى.
سالتاناتتى راسىمگە ارمەنيا, ازەربايجان, بەلارۋس, قىرعىزستان, موڭعوليا, رەسەي, تاجىكستان, تۇركىمەنستان جانە وزبەكستان ەلدەرىنىڭ ديپلوماتيالىق ميسسيا باسشىلارى, سونداي-اق شىۇ حاتشىلىعىنىڭ, چجانتسزياكوۋ قالاسى مەن چجانبەي ۋەزىنىڭ حالىق ۇكىمەتتەرىنىڭ باسشىلىعى قاتىستى.
ەسكە الۋ شاراسىنا قاتىسۋشىلار ءبىر مينۋت ۇنسىزدىكپەن قازا تاپقانداردىڭ رۋحىنا تاعزىم ەتىپ, مەموريالدىق كەشەنگە گۇل شوقتارىن قويدى.
پرەزيدەنت بەلگىسىز جاۋىنگەر بەيىتىنە گۇل شوقتارىن قويۋ راسىمىنە قاتىستى
جاۋىنگەرلەر قازا تاپقان جەرگە ەسكەرتكىش العاش رەت 1945 جىلى ورناتىلىپ, 1957 جىلى مەموريال اشىلدى. وبەليسككە 53 كەڭەستىك جانە 13 موڭعول اسكەري قىزمەتشىنىڭ ەسىمى جازىلعان.
ونىڭ ىشىندە رەسمي مالىمەتتەرگە سايكەس, بۇل مەموريالدىق كەشەندە قازاق كسر اۋماعىنان شاقىرىلعان نەمەسە سول جەردىڭ تۋماسى سانالاتىن 21 جاۋىنگەردىڭ ەسىمى انىقتالعان.
ماۋلەن اشىمباەۆ مايداندا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى
ديپلوماتيالىق ميسسيا وكىلدەرى مەموريالدىق مۋزەيدىڭ تاريحي جادىگەرلەرىمەن تانىسقان سوڭ قۇرمەتتى قوناقتار كىتابىنا جازبا قالدىردى.