سەنات توراعاسى ماۋلەن اشىمباەۆ 1945 جىلى رەيحستاگقا جەڭىس تۋىن تىككەن داڭقتى باتىر راقىمجان قوشقارباەۆتىڭ ەلورداداعى ەسكەرتكىشىنە گۇل شوقتارىن قويۋ راسىمىنە قاتىسىپ, مايداندا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى, دەپ حابارلايدى Egemen.kz.
ءراسىم بارىسىندا ماۋلەن اشىمباەۆ جەڭىس كۇنى ۇلت جادىنان وشپەيتىن جانە ءار قازاقستاندىق وتباسى ءۇشىن ەرەكشە مانگە يە قاستەرلى داتا ەكەنىن اتاپ ءوتتى. سونداي-اق پالاتا سپيكەرى مەملەكەت باسشىسىنىڭ تاپسىرماسىمەن وسى كۇندەرى ەلىمىز بويىنشا اۋقىمدى ءىس-شارالار مەن تاعىلىمدى كەزدەسۋلەر وتكىزىلىپ جاتقانىنا نازار اۋداردى. ۇلى جەڭىستىڭ 81 جىلدىعىنا وراي ۇيىمداستىرىلعان مۇنداي جيىندار مايدانگەرلەر مەن تىل ەڭبەككەرلەرىنىڭ رۋحىنا تاعزىم ەتۋگە جانە ولاردىڭ جانقيارلىق ەرلىگىن وسكەلەڭ ۇرپاققا دارىپتەۋگە ارنالادى.
ءماجىلىس توراعاسى تالعات بيگەلدينوۆتىڭ ەسكەرتكىشىنە گۇل شوعىن قويدى
ء«بىز بۇل كۇنى سۇراپىل سوعىستا وت كەشكەن اعا بۋىننىڭ جانقيار ەرلىگى مەن قايسار رۋحىنا تاعزىم ەتەمىز. سونىڭ اياسىندا بۇگىن ەلىمىزدىڭ بارلىق وڭىرىندە ارداگەرلەرىمىزگە قۇرمەت كورسەتىلىپ, مايدانگەرلەردىڭ ەرلىكتەرى دارىپتەلىپ جاتىر. مەرەكە قارساڭىندا پرەزيدەنتىمىز قاسىم-جومارت كەمەل ۇلى توقاەۆ سوعىس جىلدارىندا كورسەتكەن ەرلىگى مەن باتىلدىعى ءۇشىن مارقۇم كەنجەباي مادەنوۆكە «حالىق قاھارمانى» اتاعىن بەرۋ تۋرالى جارلىققا قول قويدى. مەملەكەت باسشىسى اتاپ وتكەندەي, بۇل شەشىم – تاريحي ادىلدىكتى قالپىنا كەلتىرۋدىڭ جارقىن كورىنىسى. شىن مانىندە, مۇنىڭ ءبارى – وسكەلەڭ ۇرپاق بەيبىتشىلىكتىڭ قادىرىن ءتۇسىنىپ, پاتريوت بولىپ قالىپتاسۋىنا ىقپال ەتەتىن قادامدار» دەپ, ماۋلەن اشىمباەۆ ارداگەرلەرگە جانە ولاردىڭ وتباسىلارىنا اماندىق پەن باق-بەرەكە تىلەدى.
ءىس-شاراعا ارداگەرلەر ۇيىمدارىنىڭ وكىلدەرى, كۇش قۇرىلىمدارىنىڭ قىزمەتكەرلەرى, اسكەري قىزمەتشىلەر جانە پارلامەنت سەناتىنىڭ دەپۋتاتتارى قاتىستى.
مەملەكەتتىك كەڭەسشى باۋىرجان مومىش ۇلىنىڭ ەسكەرتكىشىنە گۇل شوقتارىن قويدى