قازاقستاندا سىبايلاس جەمقورلىققا قاتىستى قىلمىستىق ىستەردىڭ سانى كەمي باستادى. باس پروكۋراتۋرا قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنشە, بيىلعى جىلدىڭ العاشقى ءۇش ايىندا 407 ءىس تىركەلگەن. ال 2025 جىلى جالپى سانى 976 جەمقورلىق ءىسى تىركەلىپ, بۇل كورسەتكىش الدىڭعى كەزەڭدەرمەن سالىستىرعاندا 9,6 پايىزعا تومەندەگەن, دەپ حابارلايدى Egemen.kz.
Ranking.kz دەرەگىنشە, قىلمىستىق ىستەردىڭ ازايۋىمەن قاتار, جەمقورلىق جاسادى دەپ ايىپتالعان شەنەۋنىكتەردىڭ دە سانى كەمىپ وتىر. 2020-2025 جىلدار ارالىعىندا بارلىعى 8,4 مىڭعا جۋىق ادام جەمقورلىق قىلمىستارى بويىنشا كۇدىكتى دەپ تانىلدى.
جىل سايىن ورتا ەسەپپەن 1,3-1,6 مىڭ ادام كۇدىكتى مارتەبەسىن الادى. 800-دەن استام شەنەۋنىك سوت ۇستەلىنە وتىرادى.
اقتوبە وبلىسىندا شەنەۋنىك پەن ەكى دەپۋتات 672 ملن تەڭگە جىمقىرعان
ەرەكشە اتاپ وتەرلىگى, 2020 جىلى 1 مىڭعا جۋىق ادامنىڭ ءىسى سوتقا جولدانسا, 2025 جىلى بۇل كورسەتكىش 758 ادامعا دەيىن ازايعان.
ساراپشىلار 2020-2025 جىلدار ارالىعىندا سوتقا تارتىلعان مەملەكەتتىك قىزمەتشىلەردىڭ رەيتينگىن جاسادى. وسى ۋاقىت ىشىندە بارلىعى 5,1 مىڭنان استام ادام سوتتا ايىپتالۋشى مارتەبەسىن السا, سونىڭ 3,2 مىڭى تىكەلەي مەملەكەتتىك قۇرىلىم قىزمەتكەرلەرى.
ۇلىتاۋ وبلىسىندا ءباس تىككەن شەنەۋنىكتەر جۇمىسىنان بوساتىلدى
جەمقورلىق رەيتينگىنىڭ العاشقى ۇشتىگى:
اكىمدىكتەر جانە ولاردىڭ قۇرىلىمدىق بولىمشەلەرى: 6 جىل ىشىندە 1 مىڭنان استام شەنەۋنىك سوتتى بولدى. سونىڭ ىشىندە 44 اكىم پارا الۋ, لاۋازىمدىق وكىلەتتىگىن اسىرا پايدالانۋ نەمەسە وزگە دە قىلمىستار ءۇشىن ايىپتالدى. ىشكى ىستەر ورگاندارى: 912 قىزمەتكەر جەمقورلىق قىلمىسى بويىنشا ايىپتالىپ, سوتقا تارتىلدى. قارجى مينيسترلىگى: اتالعان ۆەدومستۆونىڭ 180 قىزمەتكەرى جەمقورلىقپەن ۇستالىپ, جاۋاپقا تارتىلعان.