«قازاقستان تەمىر جولى» ۇلتتىق كومپانياسى مەن «وتباسى بانك» بىرلەسىپ, تەمىرجولشىلاردىڭ تۇرعىن ءۇي جاعدايىن جاقسارتۋعا باعىتتالعان جاڭا الەۋمەتتىك جوبانىڭ ءبىرىنشى كەزەڭىن ىسكە قوستى. بۇل باستاما پويىزدار قوزعالىسىنىڭ قاۋىپسىزدىگى مەن ۇزدىكسىزدىگىن قامتاماسىز ەتەتىن وندىرىستىك سالا قىزمەتكەرلەرىنە ارنالعان, دەپ حابارلايدى Egemen.kz.
«قتج» ۇك» اق باسقارما توراعاسى تالعات الدىبەرگەنوۆ جاڭادان سالىنىپ جاتقان تۇرعىن ءۇي نىسانىنىڭ قۇرىلىس بارىسىمەن تانىستى. باسقارما باسشىسى سالا ماماندارىن الەۋمەتتىك قولداۋ كومپانيانىڭ ستراتەگيالىق باسىمدىعى ەكەنىن اتاپ ءوتتى.
تۇرعىن ءۇي كەزەگىندەگى تۇيتكىل رەتتەلىپ كەلەدى
باعدارلامانىڭ العاشقى لەگىنە كادر تاپشىلىعى مەن مامانداردىڭ تۇراقتاماۋ كورسەتكىشى جوعارى وڭىرلەر تاڭداپ الىندى. ولار:
استانا قالاسى; قاراعاندى; پاۆلودار; سەمەي; قوستاناي.باعدارلامانىڭ باستى ەرەكشەلىگى – تەمىرجولشىلارعا جەڭىلدەتىلگەن شارتتارمەن پاتەر ساتىپ الۋعا مۇمكىندىك بەرۋ. بۇل قادام تەك قىزمەتكەرلەردىڭ ءومىر ءسۇرۋ ساپاسىن ارتتىرىپ قانا قويماي, سالاداعى كاسىبي مامانداردى تۇراقتاندىرۋعا, كادرلىق الەۋەتتى نىعايتۋعا سەپتىگىن تيگىزبەك.
تۇرعىن ءۇي كەزەگىندەگى وزگەرىستەر: 16 مىڭنان استام ادام تىزىمنەن شىعارىلدى