بەنگال شىعاناعى مەن اندامان تەڭىزىندەگى جاعداي سوڭعى جىلدارداعى ەڭ اۋىر گۋمانيتارلىق داعدارىستاردىڭ بىرىنە اينالدى. مالىمەتتەرگە سۇيەنسەك, 2025 جىل روحيندجا بوسقىندارى ءۇشىن ەڭ قاتەرلى كەزەڭ بولدى. تەڭىز ايدىنىندا 900-گە جۋىق ادام قازا تاۋىپ نەمەسە حابار-وشارسىز كەتكەن. ال سوڭعى ون جىل ىشىندە بۇل سۋلاردا 5 مىڭعا جۋىق بوسقىن اجال قۇشقان, دەپ حابارلايدى Egemen.kz.
اljazeera مالىمەتىنشە, روحيندجا حالقى ميانماداعى قۋدالاۋدان, ازاماتتىقتىڭ جوقتىعىنان جانە بانگلادەشتەگى بوسقىندار لاگەرىندەگى شەكتەن شىققان كەدەيلىكتەن قاشۋعا ءماجبۇر. ولار جاقسى ءومىر ىزدەپ, مالايزيا مەن يندونەزيا جاعالاۋلارىنا جەتۋگە تىرىسادى. تەك 2026 جىلدىڭ باسىنان بەرى 2 800-دەن استام ادام وسى قاۋىپتى ساپارعا اتتانعان.
بوسقىنداردىڭ جارتىسىنان استامى – ايەلدەر مەن بالالار. ولار تەڭىزدەگى تابيعي قاۋىپتەن بولەك, ادام ساۋداسىمەن اينالىساتىنداردىڭ قۇرىعىنا ءجيى ىلىگەدى. جاقىندا اندامان تەڭىزىندە بولعان كەزەكتى قايعىلى وقيعا جۇرتشىلىقتى شوشىتتى: ىشىندە 250 ادامى بار كەمە سۋعا باتىپ كەتكەن. قۇتقارۋشىلار تەك 9 ادامدى عانا امان الىپ قالا العان.