قىتايدىڭ وردوس قالاسىندا دزيۋدودان ءوتىپ جاتقان ازيا چەمپيوناتىندا قازاقستان قورجىنى تاعى ءبىر مەدالمەن تولىقتى. 78 كەلىگە دەيىنگى سالماق دارەجەسىندە بەلدەسكەن وتانداسىمىز ارۋنا جانگەلدينا قۇرلىق بىرىنشىلىگىنىڭ قولا جۇلدەگەرى اتاندى, دەپ حابارلايدى Egemen.kz.
جۇلدە ءۇشىن وتكەن شەشۋشى باسەكەدە قازاقستاندىق سپورتشى تايبەي وكىلى ۆان تسزەسيمەن شەبەرلىك بايقاستى. تارتىستى وتكەن بەلدەسۋدىڭ نەگىزگى ۋاقىتىندا بالۋانداردىڭ ەشقايسىسى ۇپاي ەنشىلەي المادى. الايدا بەلدەسۋ بارىسىندا قارسىلاسى ءۇشىنشى ەسكەرتۋىن الىپ, ناتيجەسىندە جەڭىس ارۋنا جانگەلديناعا بۇيىردى.
ەكى دزيۋدوشىمىز ازيا چەمپيوناتىنىڭ جارتىلاي فينالىنا شىقتى
بۇل جۇلدە قازاقستان قۇراماسى ءۇشىن اتالعان ازيا چەمپيوناتىنداعى بەسىنشى مەدال بولدى. وسىعان دەيىن وتانداستارىمىز ءبىر التىن جانە ءۇش قولا مەدال جەڭىپ العان بولاتىن.
وردوستا جۇلدە العان سپورتشىلارىمىز:
ادىلەت المات (81 كەلى) – التىن مەدال; ەسميگۇل كۋيۋلوۆا (63 كەلى) – قولا مەدال; ابىلايحان جۇبانازار (81 كەلى) – قولا مەدال; ايدار اراپوۆ (90 كەلى) – قولا مەدال; ارۋنا جانگەلدينا (78 كەلى) – قولا مەدال.