قوناەۆ قالاسىنداعى ورتالىق ساياباقتا جازۋشى بەردىبەك سوقپاقباەۆ پەن «مەنىڭ اتىم قوجا» شىعارماسىنىڭ كەيىپكەرىنە ارنالعان ەسكەرتكىشكە شىعىپ, ورىنسىز ارەكەت جاساعان 17 جاستاعى ءجاسوسپىرىم پوليتسيا قىزمەتكەرلەرىمەن ۇستالدى, دەپ حابارلايدى Egemen.kz
الەۋمەتتىك جەلىلەردە مادەني نىسانعا ورمەلەپ, قوعامدىق ءتارتىپتى بۇزعان جاسوسپىرىمدەردىڭ ۆيدەوسى تاراعاننان كەيىن قۇقىق قورعاۋ ورگاندارى جەدەل تەكسەرۋ جۇرگىزگەن. ناتيجەسىندە وقيعاعا قاتىسى بار كامەلەتكە تولماعان انىقتالىپ, قولعا تۇسكەن. قازىرگى ۋاقىتتا ول ارنايى كامەلەتكە تولماعاندارعا ارنالعان مەكەمەدە تاربيەلەنۋدە.
وبلىستىق پوليتسيا دەپارتامەنتىنىڭ مالىمەتىنشە, اتالعان دەرەك بويىنشا اكىمشىلىك ءىس قوزعالىپ, ماتەريالدار سوت قاراۋىنا جىبەرىلگەن.
3 جىلعا سوتتالۋى مۇمكىن: ءىىم تاريحي ەسكەرتكىشتەردى بۇلدىرگەندەرگە قاتاڭ ەسكەرتۋ جاسادى
سونىمەن قاتار, ءجاسوسپىرىمنىڭ زاڭدى وكىلىنىڭ قاتىسۋىمەن قوعامدىق ورىندارداعى ءتارتىپ پەن جاۋاپكەرشىلىككە قاتىستى ءتۇسىندىرۋ جۇمىستارى جۇرگىزىلگەن.
ەستەرىڭىزگە سالامىز, كەشە استانا قالاسىندا بەيىمبەت ءمايليننىڭ ەسكەرتكىشىنە ءمىنىپ فوتوسەسسيا جاساعان قىز جاۋاپقا تارتىلعان بولاتىن.