قازاقستاندىقتار ۆيزاسىز بارا الاتىن ەلدەر كوبەيدى

2026 جىلعا ارنالعان Henley Passport Index-ءتىڭ جاڭارتىلعان  دەرەگى بويىنشا قازاقستان 57-ورىنعا كوتەرىلدى. 

قازاقستان ءار جىلداعى رەيتينگ بويىنشا 2023 جىلى - 70 ورىندا بولسا,  2024 جىلى - 66 ورىن,  2025 جىلى - 61 ورىن,  2026 جىلى - 57-ساتىعا جايعاستى.

وسىلايشا, سوڭعى 2,5 جىل ىشىندە قازاقستان پاسپورتى 13 پوزيتسياعا جوعارىلادى. كوك پاسپورت الەمدەگى ەڭ ىقپالدى تولقۇجاتتار رەيتينگىندە پوزيتسياسىن جاقسارتتى.

اقش-قا ۆيزا ۋادە ەتىپ, قازاقستاندىقتاردى 900 ملن تەڭگەگە الداعان تۋرفيرما باسشىسىنا ۇكىم شىعارىلدى

سونىمەن, قازاقستاندىقتار قاي ەلدەرگە ۆيزاسىز بارا الادى؟

قازاقستان ازاماتتارى كوپتەگەن ەلگە ۆيزاسىز نەمەسە جەڭىلدەتىلگەن رەجيممەن ساياحاتتاي الادى. ۆيزاسىز رەجيم ەكىگە بولىنەدى: تولىق ۆيزاسىز كىرۋ جانە ەلگە بارعان كەزدە راسىمدەلەتىن شارتتى ۆيزا.

30 كۇنگە دەيىن ۆيزاسىز بارۋعا بولاتىن ەلدەردىڭ قاتارىندا قىتاي, مالايزيا, مالديۆ ارالدارى, ءباا, ۆەتنام, كاتار, سەربيا جانە فيليپپين بار. ال تۇركياعا — 90 كۇنگە دەيىن, گرۋزياعا — 1 جىلعا دەيىن ۆيزاسىز بارۋعا رۇقسات ەتىلەدى.

وڭتۇستىك كورەياعا ۆيزاسىز كىرۋگە بولادى, بىراق الدىن الا K-ETA ەلەكتروندى رۇقساتىن راسىمدەۋ قاجەت. تايلاندقا بارۋ ءۇشىن دە ارنايى ەلەكتروندى ميگراتسيالىق كارتا تولتىرىلادى.

مەملەكەت باسشىسى «التىن ۆيزا» يەگەرلەرىنە بەرىلەتىن جاڭا جەڭىلدىكتەر تۋرالى ايتتى

ساراپشىلار ساپار الدىندا ءار ەلدىڭ كىرۋ تالاپتارىن مۇقيات تەكسەرۋگە كەڭەس بەرەدى. كەي مەملەكەتتەر قوناقۇي ءبرونى, قايتۋ بيلەتى نەمەسە مەديتسينالىق ساقتاندىرۋدى سۇراۋى مۇمكىن.

ايتا كەتەيىك, Henley Passport Index رەيتينگى پاسپورتتىڭ قانشا ەلگە ۆيزاسىز كىرۋگە مۇمكىندىك بەرەتىنىن ەسەپتەيدى. 2025 جىلعى رەيتينگتە قازاقستان ازاماتتارى ونداعان ەلگە جەڭىلدەتىلگەن رەجيممەن ساياحاتتاي الادى.

Henley Passport Index - الەمدەگى قوزعالىس ەركىندىگىن ولشەيتىن جاھاندىق رەيتينگ. ول بەلگىلى ءبىر ەلدىڭ پاسپورتىمەن قانشا مەملەكەت پەن اۋماققا ۆيزاسىز بارۋعا بولاتىنىن كورسەتەدى. 2025 جىلعى جاڭارتىلعان نۇسقادا 199 ەلدىڭ پاسپورتى مەن الەم بويىنشا 227 باعىت قامتىلعان.