شىمكەنتتىك كاسىپكەر گادجي گادجيەۆ مىقتىلىعى سول, برازيليادان جۇپار ءيىستى ءداندى وڭتۇستىكتىڭ جەرىنە جەرسىندىرىپ, دايىن ءونىم الىپ جاتىر. ونىڭ ويىن جۇزەگە اسىرۋعا «بيزنەستىڭ جول كارتاسى-2020» باعدارلاماسى كومەكتەستى. ءوسىمى 14 پايىز نەسيەنىڭ جارتىسىن مەملەكەت موينىنا الدى. بيزنەسمەن 30 ملن. تەڭگەگە ساتىپ الىنعان قوندىرعى كوفەنىڭ «ارابيكا» دەپ اتالاتىن ءتۇرىن دايىندايدى.
باستاپقىدا كاسىپكەر ءبىراز شىعىنعا ۇشىراعان. ويتكەنى, ءداندى قىزدىرعاندا قاجەتتى ىستىقتان اسىپ كەتسە كۇيىپ كەتەدى. حوش ءيىسى بۇزىلادى. قازىر وندىرىستىك كووپەراتيۆتىڭ مۇشەلەرى كوفە قۋىرۋعا ماماندانىپ الدى. كۇنىگە 500 كيلوعا دەيىن دايىن ءونىم الادى. مىسالى, كوفەنى يتاليادان نەمەسە باسقا جاقتان اكەلىپ, ونى وڭدەپ جاساپ شىققانشا, قانشا ۋاقىت كەتەدى. وعان اراداعى تاسىمالىن قوسىڭىز.
– ال ءبىز شيكىزاتتى تىكەلەي وسى جەردە وڭدەپ جاتىرمىز. سوندىقتان تولىقتاي قازاقستاندا وڭدەلگەن ءونىم دەپ ايتۋعا بولادى. تاعى ءبىر ارتىقشىلىعى, قاپقا ورالعان سوڭ تۇتىنۋشىنىڭ قولىنا جەتكىزىلەدى. ونىڭ باعاسى دا قاراپايىم حالىقتىڭ قالتاسىنا ءتيىمدى بولادى دەپ ويلايمىن, – دەيدى وندىرىستىك كووپەراتيۆ توراعاسى گادجي گادجيەۆ.
كەلەشەكتە كووپەراتيۆ ءوز ءونىمىن كورشى ەلدەرگە دە ەكسپورتقا شىعارماقشى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى