استانادا قالالىق ادىلەت دەپارتامەنتى باستىعىنىڭ مىندەتىن اتقارۋشى پارا الدى دەگەن كۇدىكپەن ۇستالدى. بەيسەنبى كۇنى جەمقورلىققا قارسى كۇرەس ۇلتتىق بيۋروسىنىڭ حابارلاۋىنشا, مۇنى ول نوتاريالدىق قىزمەت جاساۋعا رۇقسات بەرۋ بارىسىندا العان.
حابارلامادا قالالىق ادىلەت دەپارتامەنتى باستىعىنىڭ مىندەتىن اتقارۋشى ا.راقىشەۆتىڭ دەپارتامەنت ءبولىم باسشىسى م.قۇسايىنوۆپەن جانە قالا نوتاريالدىق پالاتاسىنىڭ توراعاسى ج. ارىستانوۆپەن قىلمىستىق كەلىسىمگە كەلە وتىرىپ, جەكە تۇلعاعا نوتاريالدىق ءىس-ارەكەتتى جۇزەگە اسىرۋعا رۇقسات ەتەتىن ليتسەنزيا بەرۋ ءۇشىن ودان 8 مىڭ دوللار پارا العانى اتاپ كورسەتىلگەن.
قازىرگى تاڭدا اتالعان شەنەۋنىك ۋاقىتشا ۇستاۋ وقشاۋلاعىشىندا وتىر. سوتقا دەيىنگى تەرگەۋ امالدارى باستالىپ كەتتى.
مۇرات ايتقوجا