ورتالىق كوممۋنيكاتسيالار قىزمەتىندە وتكىزىلگەن كەزەكتى بريفينگتە ەلدەگى سىبايلاس جەمقورلىقپەن كۇرەسۋ ماسەلەسى اڭگىمەنىڭ نەگىزگى وزەگىنە اينالىپ, مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ساياسات دەپارتامەنتىنىڭ ديرەكتورى Əدي عالىمجان مەن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ دەپارتامەنت باسشىسى ەسقالي سالاماتوۆ جۋرناليستەرمەن وسى جۇمىستاعى ناتيجەلەرمەن جانە الداعى مىندەتتەرمەن ءبولىستى.
بريفينگ مودەراتورى ءبىرىنشى سوزگە تارتقان سىبايلاس جەمقورلىققا قارسى ساياسات دەپارتامەنتىنىڭ ديرەكتورى Əدي عالىمجان: «سوڭعى جىلدارى سىبايلاس جەمقورلىققا قارسى ساياساتتا ەلدە ەلەۋلى جاڭالىقتار بولىپ جاتىر. اتاپ ايتقاندا, باسىمدىق ونىڭ الدىن الۋ شارالارىنا بەرىلىپ, جەمقورلىقتى اۋىزدىقتاۋ ءۇشىن مەملەكەت پەن قوعامنىڭ كۇشى بىرىكتىرىلۋدە. مۇنداعى ەڭ ماڭىزدى كەزەڭ وسى جىلدىڭ باسىنان «100 ناقتى قادامنىڭ» 13-قادامىنا سايكەس جاڭا زاڭنىڭ قابىلدانۋى بولدى. ول كاسىبي مەملەكەتتىك قىزمەتتى, كاسىبي مەملەكەتتىك اپپاراتتى قۇرۋداعى ەل الدىنداعى مىندەتتىڭ ءبىرى» دەپ ول ءارى قارايعى ويىندا سىبايلاستىقپەن, جەمقورلىقپەن كۇرەستە قانداي جۇمىستار اتقارىلىپ جاتقانىمەن ءبولىستى.
ونىڭ ايتۋىنشا, قازىرگى كۇنى ارنايى مونيتورينگپەن قاتار, سىبايلاستىق تاۋەكەلىن ساراپتاۋ, سىبايلاستىققا ىمىرالىق تانىتپاۋ مادەنيەتى سىندى بىرنەشە تەتىكتەر قاپتالداسا ءجۇرىپ, قوعامنىڭ العا جىلجۋىندا اياققا تۇساۋ بولاتىن كەسەلمەن كۇرەس تياناقتى وتكىزىلمەك. سونىمەن قاتار, تۇڭعىش رەت سىبايلاستىقپەن كۇرەس جايىندا ۇلتتىق بايانداما جاسالاتىنىن جەتكىزگەن ول جۋرناليستەر قويعان ساۋالدارعا جاۋاپ بەرۋ كەزىندە ءبىزدىڭ ەلىمىزدىڭ ترانسپارەنتسيا رەيتينگىسىنىڭ سوڭعى ەسەبى بويىنشا 123-ورىندا ەكەنىن ايتتى. وتكەن جىلى 126-ورىندا ەدىك, بيىل 3 ورىنعا جوعارىلاپ وتىرمىز», – دەگەن دەپارتامەنت ديرەكتورى ءجۋرناليستىڭ جەمقورلىققا قارسى جازاعا تارتۋدا قىتاي مەن سينگاپۋر تاجىريبەسىن ەنگىزگەن دۇرىس ەمەس پە دەگەن ساۋالىنا دا جاۋاپ بەردى.
«ءبىزدىڭ ويىمىزشا, اۋىر جازا جەمقورلاردى ازايتپايدى. سەبەبى, ءبىر ادام كەتكەنىمەن, ورنىن باسقا, ادام الماستىرادى. سوندىقتان ءبىز قولعا الىپ جاتقان جۇمىس وسى مəسەلەلەردىڭ الدىن الۋعا باعىتتالعان. ادام قانداي جولمەن سىبايلاس جەمقورلىققا بارادى؟ كەيبىر مەملەكەتتىك قىزمەتشىلەر قۇجات بەرۋ كەزىندە زاڭدى بۇزادى. سەبەبى, ناقتى ستاندارت, رەگلامەنت جوق. سونى كەيبىر مەملەكەتتىك قىزمەتىشىلەر پايداسىنا جاراتىپ, قالتاسىن قالىڭداتادى. ەندى ءبىز سونداي قىزمەتتەردى قالاي كورسەتۋ جانە قانشا ۋاقىتتا قۇجات دايىن بولۋ كەرەك دەگەن ءتارتىپتى انىقتاپ, كەرەكتى قۇجاتتار ءتىزىمىن دە ايقىنداپ, بارلىعىن ءبىر ىزگە ءتۇسىرىپ رەگلامەنتتەدىك. ازاماتتاردىڭ ءوز قۇقىعىن بىلمەۋى, تالاپ ەتە الماۋى سىبايلاستىققا جول اشادى. رەسپۋبليكا بويىنشا, بارلىق اكىمدىكتەر مەن وزگە مەملەكەتتىك ورگاندار ءۇشىن ازامات ءوتىنىشىن, تالابىن ورىنداۋدا بىرىزدىلىك سىبايلاستىقتىڭ تامىرىن قيادى.
ءبىز, ارينە, الەمدىك تاجىريبەلەردى ەسكەرەمىز, الايدا, قىلمىسپەن ول ابدەن ورىن العاننان كەيىن ەمەس, قايتا ونىڭ الدىن العان ءتيىمدى دەگەن تاجىريبەلەردى ەسكەردىك. الداعى ۋاقىتتا وسى باعىتتا جۇمىستار اتقارىلادى. نەگىزىندە ەلىمىزدىڭ قىلمىستىق كودەكسىندە بۇل قىلمىس اۋىر قىلمىس تۇرىندە قاراستىرىلىپ, ۇزاق جىلعا باس بوستاندىعىنان ايىرىلۋمەن ءبىرگە, دۇنيە-مۇلكى تاركىلەنەدى. سوندىقتان, قىلمىستىڭ بۇل تۇرىنە اۋىر جازا قاراستىرىلعان»,– دەدى Əدي عالىمجان.
بريفينگتە ءسوز بەرىلگەن ەندىگى شەشەن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ دەپارتامەنت باسشىسى ەسقالي سالاماتوۆ: «بيۋرو وسى جىلدىڭ باسىندا بىرىڭعاي سوت الدىنداعى رەەستردە 1097 قىلمىس تىركەدى. ونىڭ 7-8 پايىزى – سىبايلاس جەمقورلىققا قاتىستى. سىبايلاس جەمقورلىق قىلمىسى بويىنشا مەملەكەتكە 3,6 ملرد. تەڭگە زيان كەلىپ, ونىڭ 2 ملرد. تەڭگەسى, ياعني 56 پايىزى مەملەكەت قازىناسىنا قايتارىلدى, سىبايلاس جەمقورلىققا قاتىسى بار دەپ ايىپتالعان ازاماتتاردىڭ 2,4 ملرد. تەڭگە بولاتىن مۇلكىنە بۇعاۋ سالىندى», – دەدى.
بريفينگكە شاقىرىلعان لاۋازىمدى تۇلعالار جۋرناليستەر تاراپىنان قويىلعان وزگە دە ساۋالدارعا جاۋاپ بەردى.
انار تولەۋحانقىزى,
«ەگەمەن قازاقستان»