2015 جىلعى 26 ناۋرىز, استانا قالاسى
اقىلى اۆتوموبيل جولىمەن (جول ۋچاسكەسىمەن) جۇرىپ ءوتۋ ءۇشىن اقى الۋ قاعيدالارىن بەكىتۋ تۋرالى
«اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسى زاڭىنىڭ 5-بابى 3-تارماعىنا سايكەس بۇيىرامىن:
1. قوسا بەرىلىپ وتىرعان اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ ءۇشىن اقى الۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى (م.ق.پىشەمباەۆ):
1) وسى بۇيرىقتى زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارى كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ قارجى ءمينيسترى
__________ب.سۇلتانوۆ
2015 جىلعى 15 ءساۋىر
«كەلىسىلدى»
قازاقستان رەسپۋبليكاسىنىڭ ىشكى ىستەر ءمينيسترى
__________ ق.قاسىموۆ
2015 جىلعى 2 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترى مىندەتىن اتقارۋشىنىڭ
2015 جىلعى 26 ناۋرىزداعى №318 بۇيرىعىمەن بەكىتىلگەن
اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ ءۇشىن اقى الۋ قاعيدالارى
1. جالپى ەرەجەلەر
1. وسى اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ ءۇشىن اقى الۋ قاعيدالارى (بۇدان ءارى – قاعيدالار) «اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ)
5-بابىنا سايكەس ازىرلەندى جانە جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ ءۇشىن اقى الۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اقىلى ءجۇرۋدى ۇيىمداستىرۋشى – اۆتوموبيل جولدارىن باسقارۋ جونىندەگى ۇلتتىق وپەراتور نەمەسە كونتسەسسيونەر;
2) اقىلى ءجۇرۋدى ۇيىمداستىرۋ – قازىرگى زامانعى اقى تولەۋ تاسىلدەرىن, اۆتوكولىك قۇرالدارىنىڭ گاباريتتەرىن, سالماعىن ايقىندايتىن تەحنيكالىق قۇرالداردى پايدالانۋ ارقىلى جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارى (جول ۋچاسكەلەرى) بويىنشا ءجۇرىپ ءوتۋ ءۇشىن اقى الۋ پروتسەسى;
3) اقى الۋ پۋنكتى – جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىندا (جول ۋچاسكەلەرىندە) ورنالاسقان, اۆتوكولىك قۇرالدارىن باقىلاۋ مەن بىردەيلەندىرۋگە مۇمكىندىك بەرەتىن تەحنيكالىق قۇرالدارمەن جابدىقتالعان جانە وندا اۆتوموبيل جولدارىن پايدالانۋشىلار ءجۇرىپ ءوتۋ ءۇشىن اقى تولەۋدى جۇزەگە اسىراتىن وتكىزۋ پۋنكتى;
4) POS-تەرمينال – ءجۇرىپ ءوتۋ ءۇشىن اقى تولەۋ رەتىندە اۆتوماتتى رەجيمدە قولما-قول اقشا قابىلداۋدى نەمەسە تولەم كارتوچكالارىن پايدالانۋ ارقىلى قولما-قول جاسالمايتىن تولەمدەردى قابىلداۋدى جۇزەگە اسىراتىن ەلەكتروندىق-مەحانيكالىق قۇرىلعى;
5) ارالىق شەپ – اۆتوكولىك قۇرالدارىن, ونىڭ ىشىندە اقى الۋ پۋنكتتەرىن اينالىپ ءوتىپ جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) شىققان اۆتوكولىك قۇرالدارىن بىردەيلەندىرۋگە جانە ەسەبىن جۇرگىزۋگە مۇمكىندىك بەرەتىن, جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىنىڭ (جول ۋچاسكەلەرىنىڭ) بويىندا ورنالاسقان تەحنيكالىق قۇرالدار;
6) قاشىقتىقتان اقى تولەۋگە ارنالعان قۇرالدار – تەحنيكالىق قۇرىلعى, ونى پايدالانۋ كەزىندە اۆتوكولىك قۇرالى اقى الۋ پۋنكتى ارقىلى ءجۇرىپ وتكەن كەزدە جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولى (جول ۋچاسكەسى) بويىنشا ءجۇرىپ ءوتۋ ءۇشىن اقى اۆتوماتتى تۇردە جۇزەگە اسىرىلادى;
7) اۆتوموبيل جولدارىن پايدالانۋشىلار – جول قوزعالىسىنا قاتىسۋشىلار بولىپ تابىلاتىن نەمەسە اۆتوموبيل جولدارىنا بولىنگەن بەلدەۋ مەن جول بويىنداعى بەلدەۋ شەگىندە وزگە دە قىزمەتتى جۇزەگە اسىراتىن جەكە جانە زاڭدى تۇلعالار.
وسى قاعيدالاردا پايدالانىلاتىن وزگە دە ۇعىمدار مەن انىقتامالار قازاقستان رەسپۋبليكاسىنىڭ زاڭناماسىنا سايكەس قولدانىلادى.
2. اقىلى اۆتوموبيل جولدارىمەن (جول ۋچاسكەلەرىمەن) ءجۇرىپ ءوتۋ ءۇشىن اقى الۋ ءتارتىبى
3. اۆتوكولىك قۇرالدارىنىڭ اقىلى ءجۇرىپ ءوتۋىن ۇيىمداستىرۋ جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىنا (جول ۋچاسكەلەرىنە) ءوتۋ مەن شىعۋ جولدارىندا ورنالاسقان اقى الۋ پۋنكتتەرىندە جۇزەگە اسىرىلادى.
4. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ اۆتوموبيل جولىن پايدالانۋشىنىڭ ۇلتتىق وپەراتورمەن نەمەسە كونتسەسسيونەرمەن جاساسقان شارتى نەگىزىندە جۇزەگە اسىرىلادى. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) كىرۋ پۋنكتىن كەسىپ وتكەن كەز شارتتى جاساسۋ كەزى بولىپ تابىلادى. ۇلتتىق وپەراتور نەمەسە كونتسەسسيونەر مەن اقىلى اۆتوموبيل جولدارىن (جول ۋچاسكەلەرىن) پايدالانۋشىلار اراسىنداعى جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىن (جول ۋچاسكەلەرىن) پايدالانۋعا ارنالعان شارت جاريا شارت بولىپ تابىلادى.
5. اۆتوموبيل جولدارىن پايدالانۋشىلاردان ءجۇرىپ ءوتۋ ءۇشىن اقى «اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭىنىڭ 5-بابىنا سايكەس قازاقستان رەسپۋبليكاسىنىڭ اۆتوموبيل جولدارى جونىندەگى ۋاكىلەتتى مەملەكەتتىك ورگانى بەكىتكەن جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارى (جول ۋچاسكەلەرى) بويىنشا ءجۇرىپ ءوتۋ ءۇشىن اقى الۋ ستاۆكاسى بويىنشا الىنادى.
6. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولى (جول ۋچاسكەسى) بويىنشا اۆتوكولىك قۇرالدارىنىڭ ءجۇرىپ ءوتۋ ءۇشىن اقى قازاقستان رەسپۋبليكاسىنىڭ ۇلتتىق ۆاليۋتاسىندا جۇرگىزىلەدى.
7. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى ءجۇرۋدى ۇيىمداستىرۋشى اقىلى اۆتوموبيل جولدارىن (جول ۋچاسكەلەرىن) پايدالانۋشىلار ءۇشىن ءجۇرىپ ءوتۋ ءۇشىن اقى تولەۋدىڭ مىناداي تاسىلدەرىن قامتاماسىز ەتەدى:
1) اقى تولەۋ جۇرگىزگەنىن راستايتىن قۇجات پەن ارتىق اقشانى قايتارىپ بەرۋ ارقىلى POS-تەرمينالعا قولما-قول اقشامەن;
2) POS-تەرمينال ارقىلى تولەم كارتوچكاسىنان قولما-قول جاسالمايتىن تولەم ارقىلى;
3) قاشىقتىقتان اقى تولەۋگە ارنالعان قۇرالداردىڭ كومەگىمەن الدىن الا اقى تولەۋ.
8. اقىلى ءجۇرۋدى ۇيىمداستىرۋشى جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) شىعۋ الدىندا اقىلى اۆتوموبيل جولىنا (جول ۋچاسكەسىنە) شىعۋ تۋرالى اقپاراتتىق تابلو ورناتادى. اقپاراتتىق تابلودا سونداي-اق مىناداي اقپارات ورنالاستىرىلادى:
1) اقىلى اۆتوموبيل جولدارىمەن (جول ۋچاسكەلەرىمەن) ءجۇرىپ ءوتۋ ءۇشىن اقى ستاۆكالارى;
2) ۋچاسكەنىڭ ۇزىندىعى;
3) ءجۇرىپ ءوتۋ ءۇشىن اقى تولەۋدىڭ ىقتيمال تاسىلدەرى;
4) اقىلى جولداردى (جول ۋچاسكەلەرىن) پايدالانعانى ءۇشىن اقى تولەۋدەن بوساتىلعان اۆتوموبيل جولدارىن پايدالانۋشىلاردىڭ تىزبەسى;
5) باسقا دا پايدالى اقپارات.
9. اقىلى ءجۇرۋدى ۇيىمداستىرۋشىنىڭ اقى الۋ پۋنكتتەرىندە ءوز وكىلدەرى بار, ولار جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىمەن (جول ۋچاسكەلەرىمەن) ءجۇرىپ ءوتۋ مەن اقى تولەۋ تارتىبىنە قاتىستى پايدالانۋشىلارعا تۋىنداعان سۇراقتار بويىنشا تۇسىنىكتەمە بەرەدى.
10. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىمەن (جول ۋچاسكەلەرىمەن) اۆتوكولىك قۇرالدارىنىڭ اقىلى ءجۇرىپ ءوتۋىن ۇيىمداستىرۋدى اقىلى ءجۇرۋدى ۇيىمداستىرۋشى اقى الۋ پۋنكتىندە جول كەپتەلىستەرى قالىپتاسپايتىنداي قامتاماسىز ەتەدى.
11. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىمەن (جول ۋچاسكەلەرىمەن) ءجۇرىپ ءوتۋ ءۇشىن قاشىقتىقتان اقى تولەۋگە ارنالعان قۇرالداردىڭ كومەگىمەن اقى تولەۋ ءۇشىن اقىلى اۆتوموبيل جولدارىن (جول ۋچاسكەلەرىن) پايدالانۋشىلار جۇرمەستەن بۇرىن الدىن الا قاشىقتىقتان اقى تولەۋگە ارنالعان قۇرالدى ول ساتىلاتىن جەرلەردە ساتىپ الادى جانە ونى وسى قۇرالدارعا قوسا بەرىلگەن نۇسقاماعا سايكەس پايدالانادى.
12. ەگەر اقى الۋ پۋنكتى ارقىلى ءجۇرىپ وتكەن كەزدە اۆتوموبيل جولىن پايدالانۋشىنىڭ جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىمەن (جول ۋچاسكەسىمەن) ءجۇرىپ ءوتۋ ءۇشىن اقى تولەۋدى جۇزەگە اسىرۋ مۇمكىندىگى بولماسا, اقى تولەۋ ءۇشىن شوتتى اقىلى ءجۇرۋدى ۇيىمداستىرۋشى اۆتوكولىك قۇرالىنىڭ يەسىنە اۆتوكولىك قۇرالىنىڭ تىركەلگەن مەكەنجايى بويىنشا جىبەرەدى جانە دەرەكتەر قۇپيا اقپارات بولىپ تابىلادى.
اقىلى ءجۇرۋدى ۇيىمداستىرۋشى قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردى قوسپاعاندا, وعان ءۇشىنشى تۇلعالاردىڭ قول جەتىمدىلىگىن شەكتەيدى. دەرەكتەر اقىلى ءجۇرۋدى ۇيىمداستىرۋشىنىڭ سەرۆەرلىك جابدىعىندا جيناقتالادى جانە ءبىر جىل بويى ساقتالادى.
13. اقى الۋ پۋنكتى جانە/نەمەسە ارالىق شەپ ارقىلى ءجۇرىپ وتكەن كەزدە اقىلى ءجۇرۋدى ۇيىمداستىرۋشى بىردەيلەندىرۋ تەحنيكالىق جابدىق ارقىلى اۆتوكولىك قۇرالدارى تۋرالى دەرەكتەردى جيناۋدى جانە تىركەۋدى جۇزەگە اسىرادى.
مۇنداي دەرەكتەر اۆتوكولىك قۇرالىنىڭ تىركەۋ نومىرلىك بەلگىسىن, ءجۇرىپ ءوتۋ كۇنى مەن ۋاقىتىن بەكىتەتىن اۆتوكولىك قۇرالدارىنىڭ بەينەسۋرەتى بولىپ تابىلادى.
14. ەگەر اۆتوكولىك قۇرالى اقى الۋ پۋنكتىن اينالىپ ءوتىپ جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) وتكەن بولسا, مۇنداي كولىك قۇرالى تۋرالى دەرەكتەر ارالىق شەپتەردە بەلگىلەنىپ, اقى مولشەرىن ايقىنداۋ ءۇشىن جانە اۆتوكولىك قۇرالىنىڭ كەيىننەن جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولى (جول ۋچاسكەسى) ارقىلى شىعۋى كەزىندە اقى الۋ ءۇشىن اقى الۋ پۋنكتىنىڭ جابدىعىنا جىبەرىلەدى.
15. اۆتوكولىك قۇرالى اقى الۋ پۋنكتىن اينالىپ ءوتىپ جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنان (جول ۋچاسكەسىنەن) شىعىپ كەتكەن جاعدايدا ءجۇرىپ ءوتۋ ءۇشىن اقى وسى قاعيدالاردىڭ 11-تارماعىندا بەلگىلەنگەن تارتىپپەن اۆتوكولىك قۇرالىنىڭ يەسىنەن الىنادى.
16. اۆتوكولىك قۇرالى جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىمەن (جول ۋچاسكەلەرىمەن) باسقا اۆتوكولىك قۇرالىن سۇيرەپ ءجۇرىپ وتكەن جاعدايدا اقى كولىك قۇرالدارىنىڭ ەكى بىرلىگىنەن دە الىنادى.
17. جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىن (جول ۋچاسكەلەرىن), ونىڭ ىشىندە كونتسەسسياعا بەرىلگەن اقىلى اۆتوموبيل جولدارىن (جول ۋچاسكەلەرىن) پايدالانعانى ءۇشىن اقى تولەۋدەن:
1) قىزمەتتىك مىندەتتەرىن ورىنداعان كەزدە:
جەدەل مەديتسينالىق جاردەم ۇيىمدارىنىڭ;
ورتكە قارسى قىزمەتتىڭ;
اۆاريالىق-قۇتقارۋ قىزمەتتەرىنىڭ;
جول-پاترۋل قىزمەتىنىڭ;
اسكەري تەحنيكانىڭ ارناۋلى اۆتوكولىك قۇرالدارى بوساتىلادى;
2) قالا ماڭىنداعى قاتىناستاردا جانە جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەلەرىنە) ىرگەلەس ەلدى مەكەندەردى: كەنتتەردى, اۋىلداردى اۋدان نەمەسە وبلىس ورتالىقتارىمەن, استانامەن نەمەسە رەسپۋبليكالىق ماڭىزى بار قالالارمەن قوساتىن قاتىناستاردا جولاۋشىلار مەن باگاجدى تۇراقتى تاسىمالداۋدى جۇزەگە اسىراتىن اۆتوبۋستار;
جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) ىرگەلەس اۋدانداردىڭ اتالعان اكىمشىلىك-اۋماقتىق بىرلىك اۋماعىندا بەلگىلەنگەن تارتىپپەن تىركەلگەن اۆتوبۋستارى ءبىر اۋدان شەگىندە ءجۇرىپ-تۇرۋ ءۇشىن;
جۇك اۆتوكولىك قۇرالدارى, وزدىگىنەن جۇرەتىن دوڭعالاقتى اۋىل شارۋاشىلىق, مەليوراتسيالىق ماشينالار تاياۋ كولىككە ارنالعان ايرىقتارى اراسىنداعى جول كەسىندىلەرى شەگىندە سۋ توسقاۋىلدارى مەن تەمىر جولداردى كەسىپ ءوتۋ ءۇشىن;
جالپى پايدالانىمداعى حالىقارالىق جانە رەسپۋبليكالىق ماڭىزى بار اقىلى اۆتوموبيل جولىنا (جول ۋچاسكەسىنە) ىرگەلەس اۋدانداردىڭ جەكە زاڭدى تۇلعالارىنىڭ اتالعان اكىمشىلىك-اۋماقتىق بىرلىك اۋماعىندا بەلگىلەنگەن تارتىپپەن تىركەلگەن جەڭىل اۆتوموبيلدەردى ءبىر اۋدان شەگىندە ءجۇرىپ-تۇرۋ ءۇشىن بوساتىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11128 بولىپ ەنگىزىلدى.