2016 جىلعى 14 ءساۋىر, استانا, ۇكىمەت ءۇيى
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ دەنساۋلىق ساقتاۋعا, قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012 - 2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە 2016 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى
«2016 – 2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسى زاڭىنىڭ 15-بابىن جانە «2016 – 2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى №972 قاۋلىسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان:
1) وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى;
2) وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە 2016 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭنامادا بەلگىلەنگەن تارتىپپەن اعىمداعى نىسانالى ترانسفەرتتەردىڭ بەكىتىلگەن سومالارىن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اۋدارۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ اكىمدەرى:
1) اعىمداعى نىسانالى ترانسفەرتتەردىڭ بولىنگەن سومالارىن ۋاقتىلى جانە ماقساتتى پايدالانۋدى;
2) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنە ەسەپتى ايدان كەيىنگى ايدىڭ 15-كۇنىنە دەيىن اعىمداعى نىسانالى ترانسفەرتتەردىڭ بولىنگەن سومالارىنىڭ پايدالانىلۋى تۋرالى ەسەپتەردى ۇسىنۋدى قامتاماسىز ەتسىن.
4. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ
2016 جىلعى 14 ساۋىرىندەگى №214 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى
1. جالپى ەرەجەلەر
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۇدان ءارى – قاعيدالار) «2016-2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسىنىڭ زاڭى 15-بابىنىڭ 13), 15), 16), 17) جانە 18) تارماقشالارىنا جانە «2016-2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىنا سايكەس ازىرلەندى.
2. وسى قاعيدالاردا پايدالانىلاتىن نەگىزگى ۇعىمدار:
1) امبۋلاتوريالىق-ەمحانالىق كومەكتىڭ (بۇدان ءارى – اەك) جان باسىنا شاققانداعى بازالىق كەشەندى ءنورماتيۆى – تۇزەتۋ كوەففيتسيەنتتەرىن ەسەپكە الماي دەنساۋلىق ساقتاۋ سالاسىنداعى ۋاكىلەتتى ورگان ايقىندايتىن كورسەتىلەتىن قىزمەتتەر تىزبەسى بويىنشا مەديتسينالىق-سانيتاريالىق العاشقى كومەك (بۇدان ءارى – مساك) پەن كونسۋلتاتسيالىق-دياگنوستيكالىق كومەك نىساندارىنداعى تەگىن مەديتسينالىق كومەكتىڭ كەپىلدىك بەرىلگەن كولەمىنىڭ (بۇدان ءارى – تمككك) امبۋلاتوريالىق-ەمحانالىق قىزمەتتەر كەشەنىنىڭ ەسەپتىك قۇنى;
2) دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ازاماتتاردىڭ دەنساۋلىعىن ساقتاۋ, مەديتسينالىق جانە فارماتسەۆتيكالىق عىلىم, مەديتسينالىق جانە فارماتسەۆتيكالىق ءبىلىم بەرۋ, دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى, مەديتسينالىق قىزمەتتەردىڭ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان;
3) جان باسىنا شاققانداعى كەشەندى ءنورماتيۆتىڭ ىنتالاندىرۋشى كومپونەنتى (بۇدان ءارى – جنىك) – «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ءىس-شارالار كەشەنىن كورسەتۋگە قاتىساتىن دەنساۋلىق ساقتاۋ ۇيىمدارىنىڭ قىزمەتكەرلەرىن كوتەرمەلەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 29 مامىرداعى №429 بۇيرىعىندا ايقىندالعان تارتىپپەن تۇپكىلىكتى ناتيجەنىڭ قول جەتكىزىلگەن ينديكاتورلارىنىڭ نەگىزىندە مساك كورسەتەتىن دەنساۋلىق ساقتاۋ سۋبەكتىسىنىڭ قىزمەتكەرلەرىن ىنتالاندىرۋعا باعىتتالعان جان باسىنا شاققانداعى كەشەندى ءنورماتيۆتىڭ ىنتالاندىرۋشى قۇرامداس بولىگى;
3. وسى قاعيدالار وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى مىناداي رەسپۋبليكالىق بيۋدجەتتىك باعدارلامالار بويىنشا پايدالانۋ ءتارتىبىن ايقىندايدى:
1) 004 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە تەحنيكالىق جانە كاسىپتىك, ورتا بىلىمنەن كەيىنگى مەديتسينالىق ءبىلىم بەرۋ ۇيىمدارىندا ءبىلىم الۋشىلاردىڭ ستيپەنديالارىنىڭ مولشەرىن ۇلعايتۋعا بەرىلەتىن اعىمداعى نىسانالى ترانسفەرتتەر»;
2) 052 «بىرىڭعاي ۇلتتىق دەنساۋلىق ساقتاۋ جۇيەسىنىڭ شەڭبەرىندە حالىقتى مەديتسينالىق كومەكپەن قامتاماسىز ەتۋ», ونىڭ ىشىندە:
100 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ حالىققا مەديتسينالىق كومەك كورسەتۋىنە جانە امبۋلاتوريالىق-ەمحانالىق كومەك كورسەتۋگە بەرىلەتىن اعىمداعى نىسانالى ترانسفەرتتەر»;
101 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە ونكولوگيالىق ناۋقاستارعا مەديتسينالىق كومەك كورسەتۋگە بەرىلەتىن اعىمداعى نىسانالى ترانسفەرتتەر» بيۋدجەتتىك كىشى باعدارلامالار بويىنشا;
3) 053 «بىرىڭعاي ۇلتتىق دەنساۋلىق ساقتاۋ جۇيەسىنىڭ شەڭبەرىندە قارجىلاندىرىلاتىن باعىتتاردى قوسپاعاندا, حالىقتى مەديتسينالىق كومەكپەن قامتاماسىز ەتۋ جانە ينفراقۇرىلىمدى دامىتۋ», ونىڭ ىشىندە:
100 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە بەرىلەتىن اعىمداعى نىسانالى ترانسفەرتتەر»;
101 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە دارiلiك زاتتاردى, ۆاكتسينالاردى جانە باسقا دا يممۋندىق-بيولوگيالىق پرەپاراتتاردى ساتىپ الۋعا بەرىلەتىن اعىمداعى نىسانالى ترانسفەرتتەر» بيۋدجەتتىك كىشى باعدارلامالار بويىنشا.
2. جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە تەحنيكالىق جانە كاسىپتىك, ورتا بىلىمنەن كەيىنگى مەديتسينالىق ءبىلىم بەرۋ ۇيىمدارىندا ءبىلىم الۋشىلاردىڭ ستيپەنديالارىنىڭ مولشەرىن ۇلعايتۋعا رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ
4. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە
جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە تەحنيكالىق جانە كاسىپتىك, ورتا بىلىمنەن كەيىنگى مەديتسينالىق ءبىلىم بەرۋ ۇيىمدارىندا ءبىلىم الۋشىلاردىڭ ستيپەنديالارىنىڭ مولشەرىن ۇلعايتۋعا بەرىلەتىن اعىمداعى نىسانالى ترانسفەرتتەر ستيپەنديا مولشەرىن تەحنيكالىق جانە كاسىپتىك (ۋچيليششەلەر, كوللەدجدەر), ورتا بىلىمنەن كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارى ستۋدەنتتەرىنىڭ مەملەكەتتىك ستيپەندياسىنىڭ دەڭگەيىنە دەيىن جەتكىزۋ ءۇشىن پايدالانىلادى.
تەحنيكالىق جانە كاسىپتىك, ورتا بىلىمنەن كەيىنگى مەديتسينالىق ءبىلىم بەرۋ ۇيىمدارىندا مەملەكەتتىك ستيپەنديالاردى تاعايىنداۋ, تولەۋ ءتارتىبى جانە ولاردىڭ مولشەرلەرى «ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى № 116 قاۋلىسىنا سايكەس ايقىندالادى.
3. اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ حالىققا مەديتسينالىق كومەك كورسەتۋىنە جانە امبۋلاتوريالىق-ەمحانالىق كومەك كورسەتۋگە بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى
5. اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ (بۇدان ءارى – اۋىل سۋبەكتىلەرى) حالىققا مەديتسينالىق كومەك كورسەتۋىنە جانە امبۋلاتوريالىق-ەمحانالىق كومەك كورسەتۋگە بەرىلەتىن اعىمداعى نىسانالى ترانسفەرتتەر اۋىل سۋبەكتىلەرىنىڭ حالىققا مەديتسينالىق كومەك (شىعىندارىن وتەۋ رەسپۋبليكالىق بيۋدجەت قاراجاتى ەسەبىنەن جۇزەگە اسىرىلاتىن جوعارى مامانداندىرىلعان مەديتسينالىق كومەكتى جانە گەمودياليز قىزمەتتەرىن قوسپاعاندا) جانە تمككك شەڭبەرىندە بەكىتىلگەن حالىققا امبۋلاتوريالىق-ەمحانالىق كومەك كورسەتۋىنە, ونىڭ ىشىندە:
1) جنىك تولەۋگە;
2) قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى №1729 قاۋلىسىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسىنە (بۇدان ءارى – دارىلىك زاتتاردى ساتىپ الۋدى ۇيىمداستىرۋ جانە وتكىزۋ ەرەجەسى) سايكەس قارجى ليزينگى شارتتارىندا ساتىپ الىنعان مەديتسينالىق تەحنيكانى پايدالانۋ ارقىلى كورسەتىلگەن مەديتسينالىق قىزمەتتەر ءۇشىن ليزينگ تولەمدەرىن وتەۋگە پايدالانىلادى.
6. وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى اۋىل سۋبەكتىلەرىنىڭ حالىققا مەديتسينالىق كومەك جانە امبۋلاتوريالىق-ەمحانالىق كومەك كورسەتۋ بويىنشا مەديتسينالىق قىزمەتتەر بەرۋشىنى تاڭداۋ ءراسىمىن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 30 شىلدەدەگى №638 بۇيرىعىمەن بەكىتىلگەن تمككك كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىنا (بۇدان ءارى – قىزمەتتەر بەرۋشىنى تاڭداۋ قاعيدالارى) سايكەس جۇزەگە اسىرادى.
7. تاريفتەردى قالىپتاستىرۋ جانە جنىك-تى ايقىنداۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 26 قاراشاداعى №801 بۇيرىعىمەن بەكىتىلگەن تمككك شەڭبەرىندە كورسەتىلەتىن مەديتسينالىق قىزمەتتەرگە ارنالعان تاريفتەر جاساۋ مەن شىعىنداردى جوسپارلاۋ ادىستەمەسىنە (بۇدان ءارى – تاريفتەر جاساۋ ادىستەمەسى) سايكەس جۇزەگە اسىرىلادى.
«بەكىتىلگەن حالىق تىركەلىمى» پورتالىندا (بۇدان ءارى – «بحت» پورتالى) بەكىتىلگەن حالىققا مساك كورسەتەتىن دەنساۋلىق ساقتاۋ سۋبەكتىلەرى ءۇشىن اەك-ءتىڭ بازالىق كەشەندى جان باسىنا شاققانداعى ءنورماتيۆىن ۋاكىلەتتى ورگان ايقىندايدى.
8. اۋىل سۋبەكتىلەرىنىڭ حالىققا مەديتسينالىق كومەك جانە تمككك شەڭبەرىندە بەكىتىلگەن حالىققا امبۋلاتوريالىق-ەمحانالىق كومەك كورسەتكەنى ءۇشىن اقى تولەۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 28 شىلدەدەگى №627 بۇيرىعىمەن بەكىتىلگەن دەنساۋلىق ساقتاۋ ۇيىمدارىنا شىعىنداردى بيۋدجەت قاراجاتىنىڭ ەسەبىنەن وتەۋ قاعيدالارىنا (بۇدان ءارى – دەنساۋلىق ساقتاۋ ۇيىمدارىنا شىعىنداردى وتەۋ قاعيدالارى) سايكەس جۇزەگە اسىرىلادى.
وبلىستاردىڭ جەرگىلىكتى اتقارۋشى ورگاندارى مساك كورسەتەتىن دەنساۋلىق ساقتاۋ سۋبەكتىلەرىنىڭ تۇراقتى جۇمىس ىستەۋىن قامتاماسىز ەتۋ ماقساتىندا حالىق سانى از, تىعىزدىعى تومەن, شاعىن جيناقتالعان, اۋماق اۋقىمدى بولعان جانە وبلىستاردىڭ جەرگىلىكتى اتقارۋشى ورگاندارى ايقىنداعان باسقا دا اۋماقتىق ەرەكشەلىكتەر جاعدايلارىندا, اەك كورسەتۋگە قاراجاتتى قايتا ءبولۋدى اۋىل, اۋداندىق جانە قالالىق دەڭگەيلەردەگى سۋبەكتىلەر اراسىندا اەك جان باسىنا شاققانداعى بازالىق كەشەندى نورماتيۆىنە تۇزەتۋ كوەففيتسيەنتىن قولدانۋ ارقىلى بولىنگەن قاراجات شەگىندە ۋاكىلەتتى ورگانمەن كەلىسىم بويىنشا تاريفتەر جاساۋ ادىستەمەسىنە سايكەس جۇزەگە اسىرا الادى.
تمككك كورسەتۋگە ارنالعان شارتتار بويىنشا جانە تمككك شەڭبەرىندەگى قوسالقى مەردىگەرلىك شارتتار بويىنشا كورسەتىلگەن كونسۋلتاتسيالىق-دياگنوستيكالىق قىزمەتتەرگە اقى تولەۋ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسى 35-بابىنىڭ 5-تارماعىنا سايكەس ۋاكىلەتتى ورگان بەكىتكەن تاريفتەرگە سايكەس قۇنى بويىنشا جۇزەگە اسىرىلادى.
اۋىل حالقىنا ستاتسيونارلىق جانە ستاتسيوناردى الماستىراتىن كومەك نىسانىندا مامانداندىرىلعان مەديتسينالىق كومەك كورسەتۋگە اقى تولەۋ اۋىل سۋبەكتىلەرىنىڭ اراسىندا ولار ورنالاسقان جەردەگى ءوڭىر شەگىندە قوسالقى مەردىگەرلىك شارتتارعا سايكەس كلينيكالىق-شىعىندى توپتار (بۇدان ءارى – كشت) بويىنشا ءبىر ەمدەلىپ شىعۋ جاعدايى ءۇشىن تاريفتەر نەگىزىندە جۇزەگە اسىرىلادى.
اۋىل حالقىنا اۋىل سۋبەكتىسىنىڭ ولار ورنالاسقان جەردەگى ءوڭىر شەگىندە قوسالقى مەردىگەرلىك شارتتار بويىنشا كەشەندى مەديتسينالىق قىزمەت كورسەتكەنى ءۇشىن اقى تولەۋ اۋىل حالقىنا كەشەندى جان باسىنا شاققانداعى نورماتيۆ بويىنشا جۇزەگە اسىرىلادى, ونىڭ مولشەرىن دەنساۋلىق ساقتاۋ باسقارماسىنىڭ كەلىسىمى بويىنشا اۋىل سۋبەكتىلەرى بەلگىلەيدى.
9. ۋاكىلەتتى ورگان اۋىل سۋبەكتىلەرىنىڭ حالىققا مەديتسينالىق كومەك جانە تمككك شەڭبەرىندە بەكىتىلگەن حالىققا امبۋلاتوريالىق-ەمحانالىق كومەك كورسەتۋ جونىندەگى ءىس-شارالاردى ىسكە اسىرۋ شەڭبەرىندە اعىمداعى نىسانالى ترانسفەرتتەردىڭ ءتيىمدى پايدالانىلۋىن ۇيلەستىرۋدى جانە مونيتورينگ جۇرگىزۋدى جۇزەگە اسىرادى.
10. وبلىستاردىڭ, استانا جانە الماتى قالالارىنىڭ اكىمدەرى اۋىل سۋبەكتىلەرىنىڭ حالىققا مەديتسينالىق كومەك جانە امبۋلاتوريالىق-ەمحانالىق كومەك كورسەتۋ جونىندەگى ءىس-شارالاردى ىسكە اسىرۋ شەڭبەرىندە:
1) وسى قاعيدالاردىڭ 5-تارماعىندا كورسەتىلگەن ءىس-شارالاردى وتكىزۋدى;
2) «بحت» پورتالىندا ءوڭىر حالقى بويىنشا, ونىڭ ىشىندە بيۋدجەتتى قالىپتاستىرۋ ءۇشىن دەرەكتەردىڭ دۇرىستىعى مەن دايەكتىلىگىن جانە ولاردى «امبۋلاتوريالىق-ەمحانالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 5 قاڭتارداعى №7 بۇيرىعىندا ايقىندالعان تارتىپپەن جانداندىرۋدى;
3) دەنساۋلىق ساقتاۋ ۇيىمدارىنا شىعىنداردى وتەۋ قاعيدالارىندا كورسەتىلگەن اقپاراتتىق جۇيەلەرگە ءوڭىر حالقىنا كورسەتىلگەن قىزمەتتەر بويىنشا اۋىل جانە امبۋلاتوريالىق-ەمحانالىق كومەك كورسەتەتىن سۋبەكتىلەر ەنگىزگەن دەرەكتەردىڭ دۇرىستىعى مەن دايەكتىلىگىن;
4) مساك كورسەتەتىن دەنساۋلىق ساقتاۋ سۋبەكتىلەرى قىزمەتىنىڭ تۇپكىلىكتى ناتيجەلەرىنە قول جەتكىزگەنى ءۇشىن دەنساۋلىق ساقتاۋ ۇيىمدارىنا شىعىنداردى وتەۋ قاعيدالارىندا ايقىندالعان تارتىپپەن جنىك تولەۋدى;
5) مساك كورسەتەتىن دەنساۋلىق ساقتاۋ سۋبەكتىلەرىنىڭ قىزمەتكەرلەرىنە دەنساۋلىق ساقتاۋ ۇيىمدارىنىڭ قىزمەتكەرلەرىن كوتەرمەلەۋ قاعيدالارىندا ايقىندالعان تارتىپپەن جنىك سوماسىن ءبولۋدى;
6) دەنساۋلىق ساقتاۋ ۇيىمدارىنا شىعىنداردى وتەۋ قاعيدالارىندا ايقىندالعان تارتىپپەن قارجى ليزينگى شارتتارىندا ساتىپ الىنعان مەديتسينالىق تەحنيكانى پايدالانۋ ارقىلى كورسەتىلگەن مەديتسينالىق قىزمەتتەر ءۇشىن ليزينگ تولەمدەرىن تولەۋدى;
7) اۋىل سۋبەكتىلەرىنىڭ حالىققا مەديتسينالىق كومەك جانە امبۋلاتوريالىق-ەمحانالىق كومەك كورسەتۋگە بەرىلەتىن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى ناتيجە كورسەتكىشتەرىن ۋاكىلەتتى ورگانمەن كەلىسۋدى;
8) ۋاكىلەتتى ورگانمەن كەلىسۋ بويىنشا ايقىندالعان اۋىل سۋبەكتىلەرىنىڭ حالىققا مەديتسينالىق كومەك جانە تمككك شەڭبەرىندە بەكىتىلگەن حالىققا امبۋلاتوريالىق-ەمحانالىق كومەك كورسەتۋگە بەرىلەتىن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى كورسەتكىشتەر ناتيجەلەرىنە قول جەتكىزۋدى قامتاماسىز ەتەدى.
4. ونكولوگيالىق ناۋقاستارعا مەديتسينالىق كومەك كورسەتۋگە بەرىلەتىن
اعىمداعى نىسانالى ترانسفەرتتەردى پايدالانۋ ءتارتىبى
11. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە ونكولوگيالىق ناۋقاستارعا مەديتسينالىق كومەك كورسەتۋگە بەرىلەتىن اعىمداعى نىسانالى ترانسفەرتتەر ونكولوگيالىق ناۋقاستارعا تمككك شەڭبەرىندە مەديتسينالىق كومەك كورسەتۋگە, ونىڭ ىشىندە ونكولوگيالىق ناۋقاستاردى امبۋلاتوريالىق دەڭگەيدە دارىلىك زاتتارمەن (تارگەتتى پرەپاراتتار) قامتاماسىز ەتۋگە جانە قارجى ليزينگى شارتتارىندا ساتىپ الىنعان مەديتسينالىق تەحنيكانى پايدالانۋ ارقىلى كورسەتىلگەن مەديتسينالىق قىزمەتتەر ءۇشىن ليزينگ تولەمدەرىن وتەۋگە پايدالانىلادى.
12. وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى قىزمەتتەر بەرۋشىنى تاڭداۋ ءراسىمىن جۇزەگە اسىرادى.
13. تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋگە ارنالعان تاريفتەردى قالىپتاستىرۋ تاريفتەر جاساۋ ادىستەمەسىنە سايكەس جۇزەگە اسىرىلادى.
14. تمككك شەڭبەرىندە ونكولوگيالىق ناۋقاستارعا كورسەتىلگەن مەديتسينالىق قىزمەتتەرگە اقى تولەۋ دەنساۋلىق ساقتاۋ ۇيىمدارىنا شىعىنداردى وتەۋ قاعيدالارىنا سايكەس جۇزەگە اسىرىلادى.
تمككك شەڭبەرىندە ونكولوگيالىق ناۋقاستارعا مەديتسينالىق كومەكتىڭ قولجەتىمدىلىگىن, كەشەندىلىگىن جانە ساپاسىن قامتاماسىز ەتۋ ماقساتىندا ولاردىڭ ونكولوگيالىق ديسپانسەردى ەركىن تاڭداۋ قۇقىقتارىن ىسكە اسىرۋدى ەسكەرە وتىرىپ, قوسالقى مەردىگەرلىك شارتتار بويىنشا اقى تولەۋ تمككك كورسەتۋگە ارنالعان نەگىزگى شارتتا كوزدەلگەن سومالار شەگىندە:
«تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە مەديتسينالىق قىزمەتتەرگە تاريفتەردى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 16 قىركۇيەكتەگى №725 بۇيرىعىمەن (بۇدان ءارى – 2015 جىلعى 16 قىركۇيەكتەگى №725 بۇيرىق) بەكىتىلگەن تاريفتەرگە سايكەس قۇنى بويىنشا كورسەتىلگەن كونسۋلتاتسيالىق-دياگنوستيكالىق قىزمەتتەرگە;
2015 جىلعى 16 قىركۇيەكتەگى №725 بۇيرىقپەن بەكىتىلگەن كشت بويىنشا ءبىر ەمدەلىپ شىعۋ جاعدايىنا تاريفتەر بويىنشا كورسەتىلگەن ستاتسيونارلىق جانە ستاتسيوناردى الماستىراتىن كومەككە جۇزەگە اسىرىلادى.
15. ۇيىمداستىرۋشىسى دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋ جانە قامتاماسىز ەتۋ جونىندەگى بىرىڭعاي ديستريبيۋتور بولىپ تابىلاتىن ونكولوگيالىق ناۋقاستار ءۇشىن امبۋلاتوريالىق دەڭگەيدە دارىلىك زاتتاردى (تارگەتتىك پرەپاراتتار) ساتىپ الۋ دارىلىك زاتتاردى ساتىپ الۋدى ۇيىمداستىرۋ جانە وتكىزۋ ەرەجەلەرىنە سايكەس جۇزەگە اسىرىلادى.
16. ۋاكىلەتتى ورگان تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋ جونىندەگى ءىس-شارالاردى ىسكە اسىرۋ شەڭبەرىندە اعىمداعى نىسانالى ترانسفەرتتەردىڭ ءتيىمدى پايدالانىلۋىن ۇيلەستىرۋدى جانە مونيتورينگىن جۇرگىزۋدى جۇزەگە اسىرادى.
17. وبلىستاردىڭ, استانا جانە الماتى قالالارىنىڭ اكىمدەرى تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋ جونىندەگى ءىس-شارالاردى ىسكە اسىرۋ شەڭبەرىندە:
1) وسى قاعيدالاردىڭ 11-تارماعىندا كورسەتىلگەن ءىس-شارالاردى وتكىزۋدى;
2) ونكولوگيالىق ديسپانسەرلەردىڭ «ونكولوگيالىق ناۋقاستاردىڭ ەلەكتروندىق تىركەلىمى» اقپاراتتىق جۇيەسىنە ءوڭىر حالقىنا كورسەتىلگەن قىزمەتتەر بويىنشا ەنگىزگەن دەرەكتەردىڭ دۇرىستىعى مەن دايەكتىلىگىن;
3) دەنساۋلىق ساقتاۋ ۇيىمدارىنا شىعىنداردى وتەۋ قاعيدالارىندا ايقىندالعان تارتىپپەن قارجى ليزينگى شارتتارىندا ساتىپ الىنعان مەديتسينالىق تەحنيكانى پايدالانۋ ارقىلى كورسەتىلگەن مەديتسينالىق قىزمەتتەر ءۇشىن ليزينگ تولەمدەرىن تولەۋدى;
4) تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋگە بەرىلگەن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى ناتيجە كورسەتكىشتەرىن ۋاكىلەتتى ورگانمەن كەلىسۋدى;
5) ۋاكىلەتتى ورگانمەن كەلىسۋ بويىنشا ايقىندالعان تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋگە بەرىلگەن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى كورسەتكىشتەر ناتيجەلەرىنە قول جەتكىزۋدى قامتاماسىز ەتەدى.
5. تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى
18. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تمككك قامتاماسىز ەتۋگە جانە كەڭەيتۋگە بەرىلەتىن اعىمداعى نىسانالى ترانسفەرتتەر سكرينينگتىك زەرتتەۋلەر جۇرگىزۋگە:
1) ايەلدەر اراسىندا جاتىر موينى وبىرىن انىقتاۋعا;
2) ەرەسەك تۇرعىندار اراسىندا كولورەكتالدىق وبىردى ەكى كەزەڭدىك ادىسپەن انىقتاۋعا;
3) اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا جانە الماتى قالالارىنىڭ ەر ادامدارى اراسىندا قۋىقاستى بەزى وبىرىن انىقتاۋعا;
4) اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا جانە الماتى قالالارىنىڭ تۇرعىندارى اراسىندا وڭەش وبىرىن, اسقازان جانە باۋىر وبىرىن انىقتاۋعا;
5) ءسۇت بەزى وبىرى سكرينينگىنىڭ ەكىنشى كەزەڭىن جۇرگىزۋگە پايدالانىلادى.
19. وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى سكرينينگتىك زەرتتەۋلەر جۇرگىزۋگە مەديتسينالىق قىزمەتتەر بەرۋشىنى تاڭداۋ ءراسىمىن قىزمەتتەر بەرۋشىنى تاڭداۋ قاعيدالارىنا سايكەس جۇزەگە اسىرادى.
20. قوسالقى مەردىگەرلىك شارتتار بويىنشا اقى تولەۋدى قوسا العاندا, تمككك شەڭبەرىندە سكرينينگتىك زەرتتەۋلەر جۇرگىزۋگە اقى تولەۋ 2015 جىلعى 16 قىركۇيەكتەگى №725 بۇيرىقپەن بەكىتىلگەن تاريفتەرگە سايكەس جۇزەگە اسىرىلادى.
21. ۋاكىلەتتى ورگان سكرينينگتىك زەرتتەۋلەر جۇرگىزۋ جونىندەگى ءىس-شارالاردى ىسكە اسىرۋ شەڭبەرىندە اعىمداعى نىسانالى ترانسفەرتتەردىڭ ءتيىمدى پايدالانىلۋىن ۇيلەستىرۋدى جانە مونيتورينگىن جۇرگىزۋدى جۇزەگە اسىرادى.
22. وبلىستاردىڭ, استانا جانە الماتى قالالارىنىڭ اكىمدەرى سكرينيگتىك زەرتتەۋلەر جۇرگىزۋ جونىندەگى ءىس-شارالاردى ىسكە اسىرۋ شەڭبەرىندە:
1) سكرينيگتىك زەرتتەۋلەر جۇرگىزۋدى;
2) سكرينيگتىك زەرتتەۋلەر جۇرگىزۋگە بەرىلگەن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى ناتيجە كورسەتكىشتەرىن ۋاكىلەتتى ورگانمەن كەلىسۋدى;
3) ۋاكىلەتتى ورگانمەن كەلىسۋ بويىنشا ايقىندالعان سكرينيگتىك زەرتتەۋلەر جۇرگىزۋگە بەرىلگەن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى كورسەتكىشتەر ناتيجەلەرىنە قول جەتكىزۋدى قامتاماسىز ەتەدى.
6. دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋعا بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى
23. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋعا بەرىلەتىن اعىمداعى نىسانالى ترانسفەرتتەر ۆاكتسينالاردى جانە باسقا دا يممۋنوبيولوگيالىق پرەپاراتتاردى, ديابەتكە قارسى پرەپاراتتاردى, تۋبەركۋلەزگە قارسى پرەپاراتتاردى, گەماتولوگيالىق ناۋقاستارعا حيميالىق پرەپاراتتاردى, گەموفيليامەن اۋىراتىن ناۋقاستارعا قان ۇيىتۋ فاكتورلارىن, ءجىتى ميوكارد ينفاركتى بار ناۋقاستار ءۇشىن ترومبوليتيكالىق پرەپاراتتاردى, «ۆ» جانە «س» ۆيرۋستىق گەپاتيتتەرىمەن اۋىراتىن بالالاردى جانە ەرەسەكتەردى ەمدەۋگە ارنالعان دارىلىك زاتتاردى, ايتۆ ينفەكتسياسىن جۇقتىرعان ادامدار جانە بايلانىستا بولعاننان كەيىنگى پروفيلاكتيكا ءۇشىن رەتروۆيرۋسقا قارسى پرەپاراتتاردى, مياستەنيامەن اۋىراتىن ناۋقاستاردى ەمدەۋگە ارنالعان پرەپاراتتاردى, رەنالدىق انەمياسى بار بۇيرەك فۋنكتسياسىنىڭ سوزىلمالى جەتىسپەۋشىلىگىمەن اۋىراتىن ناۋقاستاردى ەمدەۋگە ارنالعان پرەپاراتتاردى, مۋكوۆيستسيدوزبەن, مۋكوپوليساحاريدوزبەن, گوشە اۋرۋىمەن اۋىراتىن بالالاردى ەمدەۋگە ارنالعان پرەپاراتتاردى, بىتىراڭقى بەرىشپەن اۋىراتىن ناۋقاستارعا ارنالعان پرەپاراتتاردى, بەلگىلى ءبىر اۋرۋلارى: جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى بار حالىقتى امبۋلاتوريالىق دەڭگەيدە تەگىن قامتاماسىز ەتۋ ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋعا پايدالانىلادى.
24. ۋاكىلەتتى ورگان دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋ جونىندەگى ءىس-شارالاردى ىسكە اسىرۋ شەڭبەرىندە اعىمداعى نىسانالى ترانسفەرتتەردىڭ ءتيىمدى پايدالانىلۋىن ۇيلەستىرۋدى جانە مونيتورينگىن جۇرگىزۋدى جۇزەگە اسىرادى.
25. دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋ دارىلىك زاتتاردى ساتىپ الۋدى ۇيىمداستىرۋ جانە وتكىزۋ ەرەجەسىنە سايكەس جۇزەگە اسىرىلادى.
وسى قاعيدالاردىڭ 23-تارماعىندا كورسەتىلگەن دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋدىڭ ۇيىمداستىرۋشىسى رەتىندە وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى جۇزەگە اسىراتىن جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى اۋرۋلارى بار حالىقتى امبۋلاتوريالىق دەڭگەيدە تەگىن قامتاماسىز ەتۋ ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ جاعدايلارىن قوسپاعاندا, دارىلىك زاتتاردى ساتىپ الۋدى ۇيىمداستىرۋ جانە وتكىزۋ ەرەجەسىندە ايقىندالعان دارiلiك زاتتاردى, مەديتسينالىق ماقساتتاعى بۇيىمداردى ساتىپ الۋ جانە قامتاماسىز ەتۋ جونىندەگى بىرىڭعاي ديستريبيۋتور تانىلادى.
26. وبلىستاردىڭ, استانا جانە الماتى قالالارىنىڭ اكىمدەرى دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋ جونىندەگى ءىس-شارالاردى ىسكە اسىرۋ شەڭبەرىندە:
1) وسى قاعيدالاردىڭ 23-تارماعىندا كورسەتىلگەن ءىس-شارالاردى وتكىزۋدى;
2) دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋعا بەرىلگەن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى ناتيجە كورسەتكىشتەرىن ۋاكىلەتتى ورگانمەن كەلىسۋدى;
3) ۋاكىلەتتى ورگانمەن كەلىسۋ بويىنشا ايقىندالعان دارiلiك زاتتاردى, ۆاكتسينالاردى جانە باسقا دا يممۋنوبيولوگيالىق پرەپاراتتاردى ساتىپ الۋعا بەرىلەتىن اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى كورسەتكىشتەر ناتيجەلەرىنە قول جەتكىزۋدى;
4) امبۋلاتوريالىق دەڭگەيدە دارىلىك زاتتارمەن جانە مەديتسينالىق ماقساتتاعى بۇيىمدارمەن قامتاماسىز ەتىلەتىن ناۋقاستاردىڭ ەلەكتروندىق تىركەلىمدەرىن قالىپتاستىرۋدى;
5) رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردىڭ ەسەبىنەن ساتىپ الىناتىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ پايدالانىلۋىنا مونيتورينگ جۇرگىزۋدى;
6) جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازاننىڭ جانە ۇلتاباردىڭ ويىق جاراسى اۋرۋلارى بويىنشا حالىقتىڭ جەكەلەگەن ساناتتارىنا دارىلىك زاتتاردى جانە مەديتسينالىق ماقساتتاعى بۇيىمداردى ساتىپ الۋعا رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردەن بولىنەتىن قاراجات كولەمىنە تەڭ مولشەردە جەرگىلىكتى بيۋدجەتتەن قاراجات ءبولۋدى;
7) حالىققا ينفەكتسيالىق اۋرۋلارعا قارسى ۆاكتسيناتسيا جۇرگىزۋدى قامتاماسىز ەتەدى.
7. اعىمداعى نىسانالى ترانسفەرتتەر بويىنشا قاراجاتتى پايدالانۋ, ەسەپتىلىك
27. ۋاكىلەتتى ورگان وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەر اۋدارۋدى تولەمدەر بويىنشا ءتيىستى بيۋدجەتتىك باعدارلامانى قارجىلاندىرۋدىڭ جەكە جوسپارىنىڭ نەگىزىندە جۇرگىزەدى.
28. اعىمداعى نىسانالى ترانسفەرتتەردى پايدالانۋ كەزىندە ۇنەمدەۋ پايدا بولعان جاعدايدا وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى ۋاكىلەتتى ورگانمەن كەلىسىم بويىنشا ۇنەمدەۋ سوماسىن بيۋدجەتتىك باعدارلامالار ناتيجەلەرىنىڭ كورسەتكىشتەرىن جاقسارتۋعا پايدالانادى.
29. قانداي دا ءبىر وبلىس, استانا جانە الماتى قالالارى بولىنگەن قاراجاتتى تولىق يگەرمەگەن جاعدايدا, ۋاكىلەتتى ورگان زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە نىسانالى ترانسفەرتتەردىڭ سومالارىن وبلىستاردىڭ جانە استانا مەن الماتى قالالارىنىڭ اراسىندا قايتا ءبولۋ تۋرالى ۇسىنىس ەنگىزەدى.
30. ۋاكىلەتتى ورگان ەسەپتىلىكتى قازاقستان رەسپۋبليكاسى قارجى مينيسترلىگىنە قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن تارتىپپەن جانە مەرزىمدەردە ۇسىنادى.
قازاقستان رەسپۋبليكاسى ۇكىمەتىنىڭ
2016 جىلعى 14 ساۋىردەگى №214 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە 2016 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى
1. جالپى ەرەجەلەر
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە 2016 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۇدان ءارى – قاعيدالار) «2016-2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسى زاڭىنىڭ 15-بابىنىڭ 22) جانە 23) تارماقشالارىنا جانە «2016-2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىنا سايكەس ازىرلەندى.
2. قاعيدالار وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ مىناداي 058 «رەسپۋبليكالىق دەڭگەيدە حالىقتى الەۋمەتتىك قورعاۋ جانە كومەك كورسەتۋ, سونداي-اق الەۋمەتتىك قورعاۋ جۇيەسىن جەتىلدىرۋ جانە ينفراقۇرىلىمدى دامىتۋ» رەسپۋبليكالىق بيۋدجەتتىك باعدارلاماسى (بۇدان ءارى – 058 بيۋدجەتتىك باعدارلاما) بويىنشا بيۋدجەتتە كوزدەلگەن قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ ءتارتىبىن ايقىندايدى.
3. اعىمداعى نىسانالى ترانسفەرتتەردى پايدالانۋ قازاقستان رەسپۋبليكاسىنىڭ بيۋدجەت زاڭناماسىنا سايكەس جۇزەگە اسىرىلادى.
4. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا جانە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە بەرىلەتىن اعىمداعى نىسانالى ترانسفەرتتەر مىناداي بيۋدجەتتىك كىشى باعدارلامالار بويىنشا پايدالانىلادى:
1) 105 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا بەرىلەتىن اعىمداعى نىسانالى ترانسفەرتتەر» (بۇدان ءارى – 105 كىشى باعدارلاما);
2) 107 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە كوحلەارلىق يمپلانتتارعا سويلەۋ پروتسەسسورلارىن اۋىستىرۋ جانە تەڭشەۋ جونىندەگى كورسەتىلەتىن قىزمەتتەرگە بەرىلەتىن اعىمداعى نىسانالى ترانسفەرتتەر» (بۇدان ءارى – 107 كىشى باعدارلاما).
5. ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ جونىندەگى شارالاردى قارجىلاندىرۋدى جانە ولاردىڭ ىسكە اسىرىلۋىنا مونيتورينگتى جۇزەگە اسىراتىن دەنساۋلىق ساقتاۋ جانە الەۋمەتتىك دامۋ سالاسىنداعى ورتالىق ۋاكىلەتتى ورگان (بۇدان ءارى – رەسپۋبليكالىق بيۋدجەتتىك باعدارلامانىڭ اكىمشىسى) وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى 058 بيۋدجەتتىك باعدارلاما مەن 105 جانە 107 كىشى باعدارلامالاردى قارجىلاندىرۋدىڭ جەكە جوسپارىنىڭ نەگىزىندە «بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2014 جىلعى 4 جەلتوقسانداعى №540 بۇيرىعىمەن بەلگىلەنگەن تارتىپپەن تولەمدەر بويىنشا جۇرگىزەدى.
2. وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا 2016 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى
6. قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان
ءىس-شارالار جوسپارىن ىسكە اسىرۋعا بەرىلەتىن اعىمداعى نىسانالى ترانسفەرتتەر:
1) مۇگەدەكتەرگە قىزمەت كورسەتۋگە باعدارلانعان ۇيىمدار ورنالاسقان جەرلەردە جول بەلگىلەرى مەن سىلتەگىشتەرىن ورناتۋعا;
2) مۇگەدەكتەرگە قىزمەت كورسەتۋگە باعدارلانعان ۇيىمدار ورنالاسقان جەرلەردە جۇرگىنشىلەر وتەتىن جولداردى دىبىستايتىن جانە جارىق بەرەتىن قۇرىلعىلارمەن جاراقتاۋعا;
3) «ينۆاتاكسي» قىزمەتتەرىن دامىتۋعا مەملەكەتتىك الەۋمەتتىك تاپسىرىستى ورنالاستىرۋعا;
4) جاڭالىقتار تەلەباعدارلامالارىن ترانسلياتسيالاۋدى سۋردواۋدارمامەن سۇيەمەلدەۋدى قامتاماسىز ەتۋگە;
5) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 قاڭتارداعى №26 بۇيرىعىمەن بەكىتىلگەن مۇگەدەكتەردى پروتەزدىك-ورتوپەديالىق كومەكپەن جانە تەحنيكالىق كومەكشى (ورنىن تولتىرۋشى) قۇرالدارمەن قامتاماسىز ەتۋ قاعيدالارىنىڭ 113-تارماعىندا كوزدەلگەن مولشەرگە دەيىن مۇگەدەكتەردى مىندەتتى گيگيەنالىق قۇرالدارمەن (جورگەكتەرمەن, نەسەپ قابىلداعىشتارمەن جانە ءناجىس قابىلداعىشتارمەن) قامتاماسىز ەتۋ نورمالارىن ۇلعايتۋعا پايدالانىلادى.
7. رەسپۋبليكالىق بيۋدجەتتەن قاراجات ءبولۋ جەرگىلىكتى بيۋدجەتتەن قوسا قارجىلاندىرۋدى ەسكەرە وتىرىپ جۇزەگە اسىرىلادى:
1) وسى قاعيدالاردىڭ 6-تارماعىنىڭ 1), 2), 4) تارماقشالارى بويىنشا ءىس-شارالاردى ىسكە اسىرۋعا قاجەتتى كولەمنىڭ 60 %-ى – رەسپۋبليكالىق بيۋدجەتتەن, 40 %-ى – جەرگىلىكتى بيۋدجەتتەن;
2) وسى قاعيدالاردىڭ 6-تارماعىنىڭ 3) تارماقشاسى بويىنشا قاجەتتى كولەمنىڭ 30 %-ى – رەسپۋبليكالىق بيۋدجەتتەن, 70 %-ى – جەرگىلىكتى بيۋدجەتتەن.
8. مىندەتتى گيگيەنالىق قۇرالدارعا جانە (نەمەسە) ولاردىڭ قۇنىنا قاجەتتىلىكتىڭ ارتۋى سالدارىنان اعىمداعى نىسانالى ترانسفەرتتەر سومالارى جەتكىلىكسىز بولعان جاعدايدا, جەرگىلىكتى اتقارۋشى ورگاندار مۇگەدەكتەردى جورگەكتەرمەن, نەسەپ قابىلداعىشتارمەن جانە ءناجىس قابىلداعىشتارمەن قامتاماسىز ەتۋ نورمالارىن ۇلعايتۋعا شىعىستاردى جەرگىلىكتى بيۋدجەت قاراجاتى ەسەبىنەن قاراستىرادى.
9. وبلىستاردىڭ, استانا جانە الماتى قالالارىنىڭ اكىمدەرى كەلىپ تۇسەتىن اعىمداعى نىسانالى ترانسفەرتتەردى مىناداي بيۋدجەتتىك باعدارلامالار بويىنشا:
1) مىنا:
«ينۆاتاكسي» قىزمەتتەرىن دامىتۋعا مەملەكەتتىك الەۋمەتتىك تاپسىرىستى ورنالاستىرۋعا, مۇگەدەكتەردى مىندەتتى گيگيەنالىق قۇرالدارمەن قامتاماسىز ەتۋ نورمالارىن ۇلعايتۋعا اۋدانداردىڭ, وبلىستىق ماڭىزى بار قالالاردىڭ بيۋدجەتتەرىنە ترانسفەرتتەردى ودان ءارى اۋدارۋ ءۇشىن 045 «اۋدانداردىڭ (وبلىستىق ماڭىزى بار قالالاردىڭ) بيۋدجەتتەرىنە قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012 – 2018 جىلدارعا ارنالعان ءىس-شارالار جوسپارىن ىسكە اسىرۋعا بەرىلەتىن اعىمداعى نىسانالى ترانسفەرتتەر»;
«ينۆاتاكسي» قىزمەتتەرىن دامىتۋعا مەملەكەتتىك الەۋمەتتىك تاپسىرىستى ورنالاستىرۋعا وبلىستىق دەڭگەيدە شىعىستاردى قارجىلاندىرۋ ءۇشىن 046 «قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋ» جەرگىلىكتى بيۋدجەتتىك باعدارلامالارى ارقىلى 256 «وبلىستىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى» بيۋدجەتتىك باعدارلامالار اكىمشىسى بويىنشا;
2) جاڭالىقتار تەلەباعدارلامالارىن ترانسلياتسيالاۋدى سۋردواۋدارمامەن سۇيەمەلدەۋدى قامتاماسىز ەتۋگە 077 «قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋ» جەرگىلىكتى بيۋدجەتتىك باعدارلاماسى ارقىلى 263 «وبلىستىڭ ىشكى ساياسات باسقارماسى» جانە 720 «وبلىستىڭ ىشكى ساياسات جانە ءدىن ىستەرى باسقارماسى» بيۋدجەتتىك باعدارلامالار اكىمشىلەرى بويىنشا;
3) مۇگەدەكتەرگە قىزمەت كورسەتۋگە باعدارلانعان ۇيىمدار ورنالاسقان جەرلەردە جول بەلگىلەرى مەن سىلتەگىشتەرىن ورناتۋعا جانە جۇرگىنشىلەر وتەتىن جولداردى دىبىستايتىن جانە جارىق بەرەتىن قۇرىلعىلارمەن جاراقتاۋعا اۋدانداردىڭ, وبلىستىق ماڭىزى بار قالالاردىڭ بيۋدجەتتەرىنە ترانسفەرتتەردى ودان ءارى اۋدارۋ ءۇشىن 045 «اۋدانداردىڭ (وبلىستىق ماڭىزى بار قالالاردىڭ) بيۋدجەتتەرىنە قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىن ىسكە اسىرۋعا بەرىلەتىن اعىمداعى نىسانالى ترانسفەرتتەر» جەرگىلىكتى بيۋدجەتتىك باعدارلاماسى ارقىلى 268 «وبلىستىڭ جولاۋشىلار كولىگى جانە اۆتوموبيل جولدارى باسقارماسى» بيۋدجەتتىك باعدارلامالار اكىمشىسى بويىنشا;
4) مۇگەدەكتەرگە قىزمەت كورسەتۋگە باعدارلانعان ۇيىمدار ورنالاسقان جەرلەردە جول بەلگىلەرى مەن سىلتەگىشتەرىن ورناتۋعا جانە جۇرگىنشىلەر وتەتىن جولداردى دىبىستايتىن جانە جارىق بەرەتىن قۇرىلعىلارمەن جاراقتاۋعا اۋدانداردىڭ, وبلىستىق ماڭىزى بار قالالاردىڭ بيۋدجەتتەرىنە ترانسفەرتتەردى ودان