استانا. 22 ءساۋىر. يراك استاناسى باعداد قالاسىنداعى مەشىتتەردىڭ بىرىندە لاڭكەستىك ارەكەتتەن 9 ادام قازا تاپتى. بۇل تۋرالى newsru.com-عا سىلتەمە جاساعان egemen.kz ءتىلشىسى حابارلادى.
وقيعا قالانىڭ وڭتۇستىك-باتىسىنداعى ەر-رادۆانيا اۋدانىندا بولدى. مالىمەتتەر بويىنشا, 25 ادام ءتۇرلى دەڭگەيدە جاراقات الدى.
لاڭكەستىك ارەكەتتى ازىرگە ەشبىر ۇيىم ءوز موينىنا العان جوق. الايدا, بولجام بويىنشا بۇل ءىستى دايش سودىرلارى جاساعان بولۋ مۇمكىن. سەبەبى, وسىعان دەيىن شيت باعىتىن ۇستانۋشىلارعا اتالعان توپتىڭ سودىرلارى بىرنەشە رەت شابۋىل جاساعان.
پوليتسيا قىزمەتكەرلەرىنىڭ مالىمدەۋىنشە جانكەشتىنىڭ ءبىرى مەشىت ىشىندە ءوزىن ءوزى جارىپ جىبەرگەن. سونداي-اق, وسى ارەكەتتى عيمارات سىرتىندا جۇزەگە اسىرماق بولعان تاعى ءبىر ەكسترەميستى ءتارتىپ ساقشىلارى دەر كەزىندە بايقاپ, الدىن الىپ ۇلگەردى. وسىعان دەيىن ابۋ گرەيب اۋدانىندا لاڭكەستىك ارەكەتتەن ەكى ادام قازا تاۋىپ, 9 تۇرعىن ءتۇرلى دەڭگەيدە جاراقات العان.
بىرىككەن ۇلتتار ۇيىمىنىڭ حابارلاۋىنشا, يراك مەملەكەتىندە وسى جىلدىڭ اقپان ايىندا تەررورلىق شابۋىلدان بارلىعى 670 ادام وپات بولىپ, 1290 بەيبىت تۇرعىن زارداپ شەككەن.
ايان ءابدۋالي.
دەرەك: newsru.com.
فوتو: euroasianews.ru.