قار ەرىسە جول ەريدى. نەگە؟

جىلدا قايتالاناتىن جول «جىرى» جۇرگىنشىلەر مەن جۇرگىزۋشىلەردىڭ ءجۇي­كەسىن جۇقارتۋمەن كەلەدى. قار ەرىپ, كوگىلدىر كوكتەم كەلىپ ارقا-باسىمىز كەڭىگەندە ويلى-شۇقىر جول ماسەلەسى الدان شىعادى. مىڭداعان جۇرگىزۋشىلەر سالىعىمىزدى تولەپ جاتىرمىز, قۇقىعىمىزدى كىم قورعايدى دەپ ناليدى. ءويت­كەنى, تىرنەكتەپ جيىپ تەڭگەگە العان بىلايعى جۇرت ماشينالارى تەمىر بولعانمەن, جىرىم-جىرىم جولعا توتەپ بەرمەي, تەتىگى كەتىپ, تەرەڭ كۇرسىنىپ تۇرعانى. ال جولعا جاۋاپ بەر­ە­تىندەر جاماپ-جاسقاپ الەك. قازاق مۇندايدا ەسكىنى جاماعان­نىڭ ەسى كەتەدى دەپ جاتۋشى ەدى. جول ماسەلەسى ءسوز بولعاندا ءار جىل سايىن بولىنگەن ميلليوندار مەن ميللياردتار ايتىلادى. بار كىنا «جەكسۇرىن» قىستىڭ ايازى مەن كوكتەمنىڭ جىلىمىعىنا تەلىنەدى. شەنەۋ­نىكتەر بيىل دا جىلداعى ءۋاجدى العا تارتىپ, قىرۋار اقشا ءبولىن­گەنى, قانشا شاقىرىم جول جوندەلەتىنى تۋرالى ايتىپ جاتىر. ماسەلە اۋا رايىندا ما, الدە قارجىنىڭ ءتيىمدى جۇم­سالماۋىندا ما؟ ءيا, جول جىرى ءارتۇرلى سىلتاۋلارعا سەپ بولىپ, قاشانعى جالعاسا بەرەر ەكەن؟ الدە, اق-قاراسى تۇبە­گەيلى تەكسەرىلىپ, سەبەپ-سالدارى بيىل انىقتالىپ, الداعى جىلى «جىرتىڭداعان» جىرعا توسقاۋىل قويىلار ما؟ سۇلەيمەن مامەت, «ەگەمەن قازاقستان»