استانا. 19 ءساۋىر. مەكسيكادا زيكا بەزگەگىنە شالدىققانداردىڭ سانى 239 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
بۇل مەملەكەتتە اتالعان ىندەتتى جۇقتىرعان العاشقى ادام 2015 جىلدىڭ قاراشا-جەلتوقسان ايلارىندا تىركەلگەن. ال بۇگىنگە دەيىن زيكانى 65 جۇكتى ايەلدىڭ جۇقتىرعانى بەلگىلى بولدى. قازىر ولار دارىگەرلەردىڭ قاتاڭ باقىلاۋىندا. دەگەنمەن 7 ايەل امان-ەسەن بوسانعان. مامانداردىڭ ايتۋىنشا, نارەستەلەردىڭ جاعدايى بىرقالىپتى.
زيكا ىندەتى كوبىنە Aedes Aegypti تۇرىندەگى ماسا ارقىلى تارالادى. وسىعان دەيىن بۇل ماسا ءتۇرى ادام دەنساۋلىعىنا قاۋىپسىز دەپ ەسەپتەلەتىن. الايدا, عالىمداردىڭ اشقان جاڭالىعىنان كەيىن تۇرعىندار قورعانىپ جۇرۋگە ءماجبۇر بولدى
ايان ءابدۋالي.
دەرەك, فوتو: تاسس.