ەلىمىزدە جاياۋ ادام جۇرەتىن جولداردا ەسكەرتۋ جاسايتىن ەرەكشە جولاقتار پايدا بولدى. ولار شىمكەنت قالاسىندا جاسالعان. قالا اكىمدىگىنىڭ حابارلاۋىنشا, جاياۋ ادامعا ەسكەرتۋ جاسايتىن مۇنداي ەرەكشە جولاقتاردى جەرگىلىكتى كاسىپكەرلەر قالاعا سىي رەتىندە جاساعان. ءبىر ايتاتىن نارسە, ول قالانىڭ بارلىق جەرىندە ەمەس, تەك تاۋكە حان كوشەسى مەن قوناەۆ داڭعىلىنىڭ قيىلىسىنداعى جولداردا عانا بار.
قولدا بار مالىمەتتەرگە قاراعاندا, مۇنداي جولاقتار پراگا, بەرلين جانە ماسكەۋ قالالارىندا ورناتىلعان. ەندى, مىنە, ءبىزدىڭ ەلىمىزگە دە كەلدى. ازىرشە ول شىمكەنتتە عانا كورىنىس بەرىپ وتىر. الداعى كەزدە شىمقالانىڭ بارلىق جەرىندە دە جولاقتار جاسالىنادى دەپ كۇتىلۋدە. وسىنداي سىي جاساعان كاسىپكەرلەردىڭ ايتۋىنشا, ول قالا تۇرعىندارىنىڭ جول ەرەجەلەرىن ساقتاۋلارىنا ارنالعان.
بايبول تولەك