– جىلىوي اۋدانىنداعى پرورۆا كەن ورنىنا تاياۋ جاعالاۋدان 40 يتبالىقتىڭ ولگەنى انىقتالدى. بۇل ماڭدا جاساندى ارنا جاساۋ ماقساتىنداعى جەر جۇمىستارى جۇرگىزىلىپ جاتىر. يتبالىقتاردىڭ ولۋىنە نە سەبەپ بولعانىن انىقتاۋ ءجانە سىناما الۋ ءۇشىن ارنايى توپ وقيعا ورنىنا جىبەرىلدى, – دەيدى وبلىستىق اۋماقتىق ورمان شارۋاشىلىعى ءجانە جانۋارلار دۇنيەسى ينسپەكتسياسىنىڭ باسشىسى مۇرات ەرمەكقاليەۆ.
جاعالاۋدا تەڭكيىپ جاتقان يتبالىقتار ولەكسەسى جينالادى. سىناما الىنادى. ارنايى ورىندا ورتەلەدى. وسى ماقساتتاعى شارۋانى ىسكە اسىراتىن ارنايى توپ قۇرامى اتالعان ينسپەكتسيا, ەكولوگيا دەپارتامەنتى مەن «قازاق بالىق شارۋاشىلىعى عىلىمي-زەرتتەۋ ينستيتۋتى» جاۋاپكەرشىلىگى شەكتەۋلى سەرىكتەستىگى ماماندارىنان جاساقتالدى. ولار يتبالىقتاردىڭ ءولۋ سەبەبىن انىقتايتىن بولدى.
جولداسبەك شوپەعۇل,
«ەگەمەن قازاقستان»
اتىراۋ وبلىسى