جايقالعان جاساندى ورمان

قاراعاي مەن قايىڭ كوشەتتەرىنەن قۇرالدى شىعىس قازاقستاندا ورمانشىلار وبلىس ورتالىعىنىڭ ماڭايىنا جاساندى ورمان وسىرۋدە. وسى ماقساتتا وڭىردەگى ارنايى تالىمباقتارعا قاتاڭ اۋا رايىنا بەيىمدەلگەن ەكى جارىم مىڭ قاراعاي مەن قايىڭ كوشەتتەرى وتىرعىزىلدى. جۋىردا وسى قولدان ەگىلگەن كوشەتتەرى وسكە­مەن­­دىكتەردىڭ جاقسى كو­رە­تىن دەمالىس ورىن­دارى­نىڭ ءبىرى – تاۋلى ءۇل­بى اۋما­عىن­داعى 50 گەكتار اۋماق­قا قونىستاندىرىلدى. جاس وسكىندەردىڭ جايقالىپ ءوسۋى ءۇشىن اتالعان اۋماق دو­لى داۋ­ىل قۇلاتقان جانە كارىلىك جەتىپ, قۋراعان اعاش­تاردان تازارتىلدى. جا­ساندى ورماننىڭ اراسىندا جولاۋشىلارعا ارنالعان جولدار مەن دەمالۋشىلار ەر­­كىن سەيىلدەۋى ءۇشىن اللەيا­لار دا ەسكەرىلدى. اعاش­تاردىڭ ءدىڭى قاتايىپ, جاسىل جەلەك جامىلعان كەزىندە بۇل ورىن­دارعا تىنىعۋشىلارعا ارنالعان ساكىلەر مەن شاتىرلار ورناتۋ كوزدەلىپ وتىر. – بالالارىمىز, نەمەرە­لەرىمىز, كەلەشەك ۇرپاق ور­مان­نىڭ راحاتىن كورۋى ءتيىس. ور­مان – ءبىزدىڭ بايلىعىمىز. ول نەعۇرلىم كوپ بولسا, باي­لىعىمىز دا كوپ بولادى, – دەيدى ورمانشى مۇرات ورازعاليەۆ. دۋمان اناش, «ەگەمەن قازاقستان» شىعىس قازاقستان وبلىسى