استانادا مامىر ايىنان باستاپ قالالىق قوعامدىق كولىكتەردە ەلەكتروندى تولەم جاساۋ ءجۇيەسى (ەتجج) كارتالارى قولدانىسقا ەنگىزىلەدى. بۇل تۋرالى قالا اكىمدىگى قوعامدىق كەڭەسىنىڭ وتىرىسىندا جولاۋشىلار كولىگى باسقارماسىنىڭ وكىلدەرى مالىمدەدى.
«استانا LRT» جشس باسقارما توراعاسى تالعات ارداننىڭ ايتۋىنشا, جوبانى ىسكە قوسۋ مامىر ايىنا جوسپارلانىپ وتىر. قازىرگى كەزدە ەلەكتروندى تولەم جاساۋ جۇيەسى (ەتجج) كارتالارىن قولدانىسقا ەنگىزۋ ءۇشىن بارلىق جۇمىستار جاسالۋدا. جولاۋشىلار كولىگى باسقارماسى اۆتوبۋستاردا تەگىن جۇرەتىن ازاماتتاردىڭ بازاسىن ازىرلەدى. ولار قوعامدىق كولىكتە ارنايى كارتانى پايدالانىپ, تەگىن ءجۇرەدى. وقۋشىلارعا دا دەربەس كارتالار بەرىلەدى. وقۋشىلار ونى جازعى دەمالىس كەزىندە 30 تامىزعا دەيىن قولدانا الادى. كارتالاردى ارنايى بەلگىلەنگەن ورىنداردا جانە جۇرگىزۋشىلەردەن ساتىپ الۋعا بولادى.
سونىمەن بىرگە, ەگەر جولاۋشىنىڭ كارتاسى بولماسا, ول جولاقىنى جۇرگىزۋشىنىڭ جانىنداعى تەرمينالمەن ەلەكتروندى كارتا ارقىلى نەمەسە قولما-قول اقشامەن تولەيتىنىن ايتتى. «بۇل ءۇشىن اۆتوبۋس جۇرگىزۋشىسىنىڭ جانە ءاربىر ەسىكتىڭ جانىنا ۆاليداتور ورناتىلادى. مۇنداي كارتالار جولاۋشىلار تاسىمالىنىڭ ساپاسىن ارتتىرىپ, وسى سالانىڭ مولدىرلىگىن قامتاماسىز ەتەدى», – دەدى ول.
رۇستەم جۇمان