استانا. 18 ءساۋىر. ءفيليپپيننىڭ مانيلا قالاسىندا تاەكۆوندودان ازيالىق ليتسەنزيالىق تۋرنير ءوتتى. وسى سىندا تاەكۆوندوشى رسۋلان جاپاروۆ وليمپياداعا ليتسەنزيانى جەڭىپ الدى. بۇل تۋرالى egemen.kz ءتىلشىسى حابارلادى.
جارتىلاي فينالدىق جەكپە-جەكتە 80 كيلودان اسا سالماقتا سىنعا تۇسكەن ارميا ورتالىق سپورت كلۋبىنىڭ سپورتشىسى, سپورت شەبەرى, ەفرەيتور رۋسلان جاپاروۆ پاكىستاندىق تاەكۆوندوشى ارشاد اتيەفتى جەڭدى. وسى جەڭىس ليتسەنزيالىق ءتۋرنيردىڭ ەرەجەسى بويىنشا وتانداسىمىزعا وليمپياداعا ليتسەنزيا الىپ بەردى. فينالدا جاپاروۆ قىتايدىڭ سپورتشىسىنان جەڭىلىپ, كۇمىس جۇلدەگەر اتاندى.
«بۇل جولداما – سپورتشىمىز بەن بۇكىل جاتتىقتىرۋشىلار شتابىنىڭ قاجىرلى ەڭبەگىنىڭ جەمىسى. 2015 جىلدان باستاپ رۋسلان جولدامانى جەڭىپ الۋ ءۇشىن ۇپاي جيناي وتىرىپ, ءارتۇرلى حالىقارالىق دودالارعا قاتىستى. ۇيگە ورالىسىمەن جاپاروۆتى الماتى قالاسىندا وتەتىن جيىندار كۇتىپ تۇر. ودان كەيىن كورەيا مەن برازيلياداعى جيىنداردا وليمپياداعا قىزۋ دايىندىقتى باستايمىز», دەدى اوسك كومانداسىنىڭ اعا جاتتىقتىرۋشىسى, كاپيتان ءانۋار ۇسەنوۆ ايتىپ بەردى.
رۋسلان جاپاروۆ – قورعانىس مينيسترلىگى ارميا ورتالىق سپورت كلۋبىنىڭ قورجىنىنا وليمپيادانىڭ سەگىزىنشى جولداماسىن جەڭىپ العان سپورتشى.
داستان كەنجالين.
دەرەك, فوتو: قورعانىس مينيسترلىگى.