استانا. 18 ءساۋىر. كولۋمبيادا زيكا بەزگەگىنە 68 مىڭنان استام ادام شالدىققان. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«قاۋىپتى دەرتتى 68 مىڭ 630 ادام جۇقتىرعان. ونىڭ 12,3 مىڭى جۇكتى ايەلدەر», – دەپ مالىمدەدى كولۋمبيانىڭ ۇلتتىق دەنساۋلىق ساقتاۋ ينستيتۋتى
الايدا, مامانداردىڭ ايتۋىنشا, ناۋرىز ايىمەن سالىستىرعاندا ءساۋىر ايىندا اتالعان ۆيرۋس ءتۇرىنىڭ تارالۋى ازايعان. وتكەن ايدىڭ باس كەزىندە 61,3 مىڭ ادامنىڭ زيكانى جۇقتىرعانى انىقتالدى. سونداي-اق, ەكى ءسابي ميكروتسەفالياعا شالدىققان.
دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا, زيكا بەزگەگى جۇكتى ايەلدەر ءۇشىن اسا قاۋىپتى. ىشتەگى شارانانىڭ ميكروتسەفالياعا شالدىعىپ, باس سۇيەگى مەن مي قۇرىلىسىنىڭ ءوز مولشەرىندە جەتىلمەۋىنە جانە ەستۋ, كورۋ مۇشەلەرىندە اۋىتقۋشىلىقتاردىڭ پايدا بولۋىنا الىپ كەلەدى.
ايتا كەتەيىك, ماماندار وسىدان بىرەر اپتا بۇرىن زيكانىڭ جىنىستىق جولمەن دە تارالاتىنىن مالىمدەگەن بولاتىن.
ايان ءابدۋالي.
دەرەك: تاسس.
فوتو: korrespondent.net.