قاراعاندى. 17 ءساۋىر. قاراعاندى قالاسىندا ۇلى وتان سوعىسىنىڭ ارداگەرلەرىنىڭ ارقايسىسى جەڭىس مەرەكەسى قارساڭىندا 150 مىڭ تەڭگەدەن جاردەماقى الادى. بۇل تۋرالى nv.kz-كە سىلتەمە جاساعان egemen.kz ءتىلشىسى حابارلادى.
جەڭىس مەرەكەسى قارساڭىندا ۇلى وتان سوعىسىنىڭ ارداگەرلەرى 150 مىڭ تەڭگەدەن جاردەماقى السا, ارنايى جەڭىلدىگى بار باسقا ساناتتاعى قاريالارعا 10 مىڭ تەڭگەدەن بەرىلەدى. ءبىر رەتتىك بۇل جاردەماقىعا دەپ قالا بيۋدجەتىنەن 93 ميلليون 450 مىڭ تەڭگە قاراستىرىلعان. اقشا جاردەماقى الۋشىلاردىڭ اتىنا ارنايى اشىلعان ەسەپشوتتارعا اۋدارىلادى.
قاراعاندىدا 15 ءساۋىر مەن 9 مامىر ارالىعىندا ۇلى وتان سوعىسىنىڭ ارداگەرلەرى مەن مۇگەدەكتەرىنە جانە تىل ەڭبەككەرلەرىنە ارنالعان 35 قايىرىمدىلىق اكتسياسى وتەدى دەپ جوسپارلاعان. بۇل شارالارعا 1125 ادام قاتىسادى.
قايرات ءابىلدينوۆ.
دەرەك, فوتو: nv.kz.