قاراعاندى. 16 ءساۋىر. قاراعاندى وبلىسىنداعى يۋجنىي ەلدى مەكەنىندە ءۇش ەر ادام جۇمىس ىستەمەي تۇرعان تازالاۋ قوندىرعىسىنىڭ قۇدىعىنا ءتۇسىپ, گازبەن ۋلانىپ قايتىس بولدى. بۇل تۋرالى قاراعاندى وبلىستىق توتەنشە جاعدايلار دەپارتامەنتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
يۋجنىي ەلدى مەكەنىنىڭ ءۇش تۇرعىنى مەتالل سىنىقتارىن جيناۋ ءۇشىن جۇمىس ىستەمەي تۇرعان تازالاۋ قوندىرعىسىنىڭ قۇدىعىنا تۇسكەندە, ۋلى گازعا تۇنشىعىپ, سول جەردە ءجانتاسىلىم ەتكەن. ال مارقۇمدارمەن بىرگە بولعان 1972 جىلعى ەر ادام اۋرۋحاناعا جەتكىزىلدى.
وبلىستىق توتەنشە جاعدايلار جونىندەگى دەپارتامەنتتىڭ جەدەل-قۇتقارۋ وتريادىنىڭ جاۋىنگەرلەرى مارقۇمداردىڭ دەنەسىن 5 مەتر تەرەڭدىكتەن تىسقا الىپ شىقتى. قازىرگى ۋاقىتتا قايعىلى وقيعا بويىنشا تەرگەۋ-تەكسەرۋ امالدارى جۇرگىزىلۋدە.
قايرات ءابىلدينوۆ.
دەرەك, فوتو: قاراعاندى وبلىستىق توتەنشە جاعدايلار جونىندەگى دەپارتامەنت.