استانا. 17 ءساۋىر. اۋعانستاندا قاقتىعىس كەزىندە 50-گە جۋىق سودىردىڭ كوزى جويىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
مالىمەتتەر بويىنشا, «تاليبان» سودىرلارى كۋندۋز قالاسىنا باسىپ كىرمەك بولعان. الايدا, ۇكىمەت اسكەرى تويتارىس بەردى. قاقتىعىس كەزىندە تاعى 53 ادامنىڭ ءتۇرلى دەڭگەيدە جاراقات العانى بەلگىلى بولدى.
ايتا كەتەيىك, اتالعان قالانى وتكەن جىلى لاڭكەستەر باسىپ العان. دەگەنمەن ارنايى قۇرىلعان جاساق قارسى شابۋىلداپ, ءوز باقىلاۋىنا قايتارىپ الدى. جالپى, وسىعان دەيىن بىرنەشە ەلدى مەكەندەرگە شابۋىلداپ, بەيبىت تۇرعىندارعا بەي-بەرەكەت وق جاۋدىرعان «تاليبان» مۇشەلەرى قاستىق ارەكەتتەرىن مەملەكەتتىڭ ءىرى قالالارىنا دا جاساۋدى جوسپارلاۋدا.
ايان ءابدۋالي.
دەرەك, فوتو: 24.kz.