استانا. 17 ءساۋىر. ساۋد ارابياسىنىڭ شىعىسىنداعى مۇناي-حيميالىق زاۋىتتا شىققان ورتتەن 12 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ەش-شاركيا پروۆينتسياسىندا بولعان ءورت جەرگىلىكتى ۋاقىت بويىنشا, ساعات 11:40-تا Jubail United Petrochemical Company (ەل-دجۋبايىلداعى بىرىككەن مۇناي-حيميا كومپانيالارى) زاۋىتتارىنىڭ بىرىنەن شىقتى», – دەپ جازىلعان حابارلامادا.
مالىمەتتەر بويىنشا, ءتىلسىز جاۋ از ۋاقىتتىڭ ىشىندە سوندىرىلگەن. الايدا, قىزىل جالىننىڭ سالدارىنان 12 ادام اجال قۇشىپ, 11 قىزمەتكەر اۋىر جاراقات الدى. قازىر وقيعا ورنىندا تەرگەۋ امالدارى ءجۇرىپ جاتىر.
ايان ءابدۋالي.
دەرەك: تاسس.
فوتو: rosbalt.ru.