استانا. 11 ناۋرىز. Astana ۆەلوكومانداسىنىڭ سپورتشىسى الەكسەي لۋتسەنكو «پاريج-نيتستسا» كوپكۇندىگىنىڭ بەسىنشى كەزەڭىندە جەڭىمپاز اتاندى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
جارىس بارىسىندا بىرنەشە مارتە شابۋىلداپ, تاجىريبەلى سپورتشىلارمەن يىق تىرەستىرگەن لۋتسەنكو جالپى توپتان مارەگە 28 شاقىرىم قالعاندا العا شىعىپ, كوش باسىندا كەلە جاتقان انتۋان ديۋشەندى شاڭ قاپتىرىپ كەتتى. قالعان ارالىقتى تەك ءبىر ءوزى ءجۇرىپ وتكەن ول جارىستىڭ بەسىنشى كەزەڭىن 05:00:26 كورسەتكىشىمەن اياقتادى. ال «كاتيۋشالىق» الەكساندر كريستوفف ودان 21 سەكۋندقا قالىپ قويىپ, ەكىنشى بولىپ كەلسە, Orica-GreenEDGE كومانداسىنىڭ ۆەلوشاباندوزى مايكل مەتتيۋس ءۇشىنشى ورىنعا تابان تىرەدى.
جالپى ەسەپتە مەتتيۋس كوش باستاپ كەلەدى. ال لۋتسەنكو 6 سەكۋندتىق ايىرمامەن ەكىنشى ساتىعا كوتەرىلدى.
ەلامان قوڭىر.
دەرەك, سۋرەت: 24.kz.