«الاش بالالارى»

قىرعىز قازاقتارىنىڭ سۇيىكتى انىنە اينالدى وتكەن جەكسەنبى كۇنى بىشكەك قا­لا­سىندا ت.ساتىلعانوۆ اتىنداعى قىرعىز ۇلتتىق فيلارمونياسىندا سالتاناتتى كونتسەرت بولدى. ول قىر­عىز رەسپۋبليكاسىنىڭ تاريح جانە مادەنيەت جىلىنا وراي ناۋرىز مەرەكەسىنە جانە قىرعىزستان قازاقتارى قاۋىمداستىعىنىڭ توراعاسى ەركىن بولەكباەۆتىڭ 55 جىلدىعى مەن حا­لىقارالىق بايقاۋلاردىڭ لاۋرەا­تى, ءانشى ەرجان ءمۋسيننىڭ شىعار­ماشىلىعىنا ارنالدى. وعان دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆ باستاعان قازاقستاندىق دەلەگاتسيا ارنايى بارىپ قاتىستى. قىرعىز قازاقتارى قاۋىمداستىعى ۇيىمداستىرعان بۇل شارا قىرعىز رەسپۋبليكاسىنىڭ تاريح جانە مادەنيەت جىلىنا وراي وتكىزىلگەن العاشقى مەرەكەلىك جيىن بولدى. ءان اۋەلەپ, كۇي كۇمبىرلەپ, مىڭ بۇرالا بيلەگەن قىز-جىگىتتەردىڭ ونەرىن تاماشالاۋعا حالىق كوپ جينالىپ, فيلارمونيا زالىن لىق تولتىردى. وندا تەك قىرعىزستان عانا ەمەس, قازاقستاننان دا بىرقاتار ونەر شەبەرلەرى ارنايى كەلىپ, ءوز ونەرلەرىن پاش ەتتى. سالتاناتتى شارا سوڭىندا ءسوزىن قيالبەك ۋرمانبەتوۆ جازىپ, نازارباك بايجىگىتوۆ قازاقشالاپ, رافاەل سارلىقوۆ ءانىن شىعارعان «الاش بالالارى» العاش رەت ورىندالىپ, ول قىرعىزستان قازاقتارى قاۋىم­داس­­تىعىنىڭ سۇيىكتى ءانى دەپ جاريالاندى. الاش بالالارى قازاقپىن الاتاۋدا تۇرىپ قالعان, بيىكتە اسقاق كورىنىپ. ەگىزدەي بايقالامىز ۇلتتاردان, ءتىلىمىز بىرگە ءورىلىپ.   اۋەزوۆ جالىنداعان جۇرەك بولىپ, بىزدەرگە جارىق شاشقانداي. ايتماتوۆ رۋحىمىزعا تىرەك بولىپ, بىزدەرگە اشىق اسپانداي.   قايىرماسى: قازاقستان مەنىڭ جۇرەگىمدە, تىلەگىم ورتاق ەكى ەلگە. قىرعىزستان قىمبات بۇل ومىردە, اينالعان ءبىزدىڭ مەكەنگە, الماسپان ەشبىر شەتەلگە!   الاشتىڭ ۇرپاعى بوپ تارادىق ءبىز, ايىرما بىزدەن سەزىلمەي. اۋەلدەن جۇرەگى ءبىر قازاق-قىرعىز, دومبىرانىڭ ەكى شەگىندەي.   قايىرماسى: جاناسىپ جۇلدىزدارعا اسپان ەلىم, بيىكتەن وسى تۇسپەگىن! ماڭدايدا جانىپ تۇرسىن قوس جانارىم: استانا مەن بىشكەگىم! ەرلىك ەرجان ۇلى, جۋرناليست. بىشكەك.