«نۇر وتان» پارتياسىنىڭ قاتارى تولىقتى

استانا. 13 اقپان. استانادا «نۇر وتان» پارتياسىنىڭ «مادەنيەت» باستاۋىش پارتيا ۇيىمىنىڭ جينالىسى ءوتتى. بۇل تۋرالى egemen.kz ءتىلشىسى حابارلادى. وعان مادەنيەت» باستاۋىش پارتيا ۇيىمىنىڭ توراعاسى قۋاتجان ۋاليەۆ پەن «بىرلىك» فيليالىنىڭ ساياسي كەڭەسىنىڭ مۇشەسى ا. ورازالينا قاتىستى. جيىندا مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى, پارتيا مۇشەسى اسقار ەسىموۆ «نۇر وتان» پارتياسىنىڭ «قازاقستان-2021: بىرلىك. تۇراقتىلىق. جاسامپازدىق» سايلاۋالدى باعدارلاماسىنىڭ نەگىزگى باعىتتارى تۋرالى بايانداما جاسادى. ءوز بايانداماسىندا ول باعدارلامانىڭ ەلباسى جاريا ەتكەن 5 ينستيتۋتسيونالدىق رەفورما مەن «100 ناقتى قادام» ۇلت جوسپارىنىڭ نەگىزگى باعىتتارى اياسىندا ازىرلەنگەنىن اتاپ كورسەتتى. جيىن سوڭىندا «مادەنيەت» باستاۋىش پارتيا ۇيىمىنىڭ توراعاسى قۋاتبەك ۋاليەۆ پەن «بىرلىك» فيليالىنىڭ ساياسي كەڭەسىنىڭ مۇشەسى ا. ورازالينا پارتيا قاتارىنا كىرگەن 33 قىزمەتكەرگە سالتاناتتى تۇردە پارتيا بيلەتتەرىن تابىس ەتتى. داستان كەنجالين. دەرەك, سۋرەت: egemen.kz