استانا. 13 ناۋرىز. مالايزيادا ەكى كەمە سوقتىعىسىپ, 6 ادام قازا تاپتى. سونداي-اق, 8 ادام اۋىر جاراقات الىپ, جاقىن ماڭايداعى اۋرۋحاناعا جەتكىزىلدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
New Straits Times باسىلىمىنىڭ حابارلاۋىنشا, وقيعا 13 ناۋرىزعا قاراعان ءتۇنى ساباح شتاتىنىڭ اكىمشىلىك ورتالىعى كوتا-كينابۋلۋ قالاسىندا بولدى. سۋ كولىگىنىڭ بىرىندە ۇيلەنۋ تويىنا جينالعان 30 ادام, ال ەكىنشىسىندە جەرگىلىكتى فابريكانىڭ 24 قىزمەتكەرى بولعان.
ءتارتىپ ساقشىلارى اپاتتىڭ باستى سەبەبى, تۇماننىڭ سالدارىنان بولۋى مۇمكىن دەگەن بولجام جاسادى. ال سۋ كولىكتەرىنىڭ ەكەۋىندە دە سۋعا باتىرمايتىن ارنايى كەۋدەشەلەردىڭ بولماعانىن ايتتى.
ەكى كەمەنىڭ سوقتىعىسۋىنان بارلىعى 20 ادام ءتۇرلى دەنە جاراقاتىن الدى. الايدا, 8 ادام عانا جاقىن ماڭايداعى اۋرۋحانالاردىڭ بىرىنە جەتكىزىلدى. دارىگەرلەردىڭ ايتۋىنشا, ەكى ادامنىڭ جاعدايى تىم اۋىر.
ايان ءابدۋالي.
دەرەك: تاسس.
سۋرەت: yakutia.info.