استانا. 13 ناۋرىز. بۇگىن فۋتبولدان قازاقستان پرەمەر-ليگاسىنىڭ 1-تۋرى شەڭبەرىندە ءۇش ويىن وينالدى. جانكۇيەرلەردىڭ نازارىن اۋدارعان كەزدەسۋ شىمكەنتتە جەرگىلىكتى «ورداباسى» مەن «اقتوبە» اراسىندا ءوتتى. بۇل تۋرالى egemen.kz ءتىلشىسى حابارلادى.
ورداباسى» (شىمكەنت) – «اقتوبە» (اقتوبە) 3:1
گولدار: ازات نۇرعاليەۆ (پەنالتي) 34, 54, ەدين يۋنۋزوۆيچ 45 – بوبير داۆلاتوۆ 68.
ويىن اسا تارتىستى ءوتتى. ءوز جانكۇيەرلەرى الدىندا بارىن سالعان الاڭ يەلەرى 34-مينۋتتا پەنالتيدەن ەسەپ اشتى. ون ءبىر مەترلىكتى ءدال ورىنداعان ازات نۇرعاليەۆ «ورداباسىنىڭ» بيىلعى ماۋسىمداعى العاشقى گولىن سوقتى. شابۋىل قارقىنىن كۇشەيتكەن شىمكەنتتىكتەر ۇزىلىسكە ساناۋلى سەكۋندتار قالعاندا تاعى ءبىر گول سوعىپ, ەسەپتى ەسەلەدى. بۇل جولى ەدين ءيۋنۋزوۆيچتىڭ مەرەيى ۇستەم بولدى.
ەكىنشى تايمدا دا «ورداباسى» ويىنشىلارى جۇيەلى ويىن ورنەگىن كورسەتتى. ناتيجەسىندە, 54-مينۋتتا ازات نۇرعاليەۆ ءدۋبلدىڭ اۆتورى اتاندى. ال ماۋسىم سايىن چەمپيوندىقتان ۇمىتكەرلەر قاتارىندا بولاتىن «اقتوبە» بۇل جولى جالعىز گولمەن عانا قارىمتا قايتارا ءبىلدى. اتاپ ايتقاندا, 68-مينۋتتا بوبير داۆلاتوۆ مەرگەندىگىمەن كوزگە ءتۇستى.
ال قالعان ەكى ويىننىڭ ناتيجەسى تومەندەگىدەي
«ەرتىس» (پاۆلودار) – «وقجەتپەس» (كوكشەتاۋ) 1:0
گول: سەرگەي مالىي 41.
«توبىل» (قوستاناي) – «اقجايىق» (ورال) 1:0
گول: كونستانتين دۋدچەنكو 69.
ايتا كەتەيىك, قازاقستان پرەمەر-ليگاسىنىڭ جاڭا ماۋسىمى كەشە باستالدى. سوعان وراي كەشە ءۇش كەزدەسۋ ءوتتى. ول تۋرالى مىنا جەردەن وقي الاسىزدار.
پرەمەر-ليگانىڭ 2-تۋرى ويىندارى 19-20 ناۋرىز كۇندەرى وينالادى. ول كەزدە مىنا كوماندالار كەزدەسەدى.
19 ناۋرىز
«اتىراۋ» (اتىراۋ) – «توبىل» (قوستاناي)
«اقجايىق» (ورال) – «ەرتىس» (پاۆلودار)
«وقجەتپەس» (كوكشەتاۋ) – «قايرات» (الماتى)
«تاراز» (تاراز) – «اقتوبە» (اقتوبە)
20 ناۋرىز
«ورداباسى» (شىمكەنت) – «استانا» (استانا)
«شاحتەر» (قاراعاندى) – «جەتىسۋ» (تالدىقورعان).
ەلامان قوڭىر.
دەرەك: egemen.kz.
سۋرەت: vk.com.