استانا. 12 ناۋرىز. حورۆاتيادا ارباعا تاڭىلعان مۇگەدەك جىگىت شەتەلدىك بانكتىڭ فيليالىن توناپ كەتتى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى.
توناۋ اۆستريانىڭ زاگرەبتە ورنالاسقان Erste Bank دەپ اتالاتىن بانكى بولىمشەسىندە ورىن العان. جۇرتتىڭ جاردەمىمەن عيمارات ىشىنە كىرگەن 35 جاستاعى مۇگەدەك جىگىت كەنەت: «مەنىڭ قولىمدا بومبا بار!» دەپ ايقايلايدى. ول سونىمەن بىرگە قارجى مەكەمەسىنىڭ قىزمەتكەرلەرىنەن كاسسالارداعى اقشانىڭ ءبارىن قولىنا اكەلىپ سالۋدى تالاپ ەتەدى.
سودان كەيىن مۇگەدەك جىگىت بانكتەن 50 مىڭ كۋن (شامامەن 7300 دوللار) الىپ, سىرتتاعى تاكسي تۇراعىنا ءوز بەتىنشە جەتەدى. جۇرگىزۋشى كليەنتىنىڭ ارباسىن جۇكسالعىشقا سالىپ, ءوزىن بەلوۆار قالاسىنا الىپ كەتەدى. سول جەردە توناۋشى ءوزىن كۇتىپ تۇرعان پوليتسەيلەردىڭ قولدارىنا دا تۇسەدى.
تالعات رايىمبەك.
دەرەك, سۋرەت: ras.kz.