استانا. 12 ناۋرىز. بۇگىن فۋتبولدان قازاقستان پرەمەر-ليگاسىنىڭ جاڭا – 25 ماۋسىمى باستالدى. العاشقى كۇنى ءبىرىنشى تۋردىڭ ءۇش ويىنى وينالدى. بۇل تۋرالى egemen.kz ءتىلشىسى حابارلادى.
«تاراز» (تاراز) – «قايرات» (الماتى) 2:1
گولدار: يگور زەنكوۆيچ 65, تاراس دانيليۋك 87 – ۆيتالي لي 89.
وسىدان بىرنەشە كۇن بۇرىن قازاقستان سۋپەركۋبوگىن جەڭىپ العان «قايرات» كومانداسى سىرت الاڭدا وتكەن ىشكى بىرىنشىلىكتىڭ العاشقى ويىنىندا جەڭىلىپ قالدى. الاڭ يەلەرىنىڭ ساپىنان يگور زەنكوۆيچ پەن تاراس دانيليۋك ءبىر-ءبىر گولدان سوقسا, «قايرات» كومانداسىنان ۆيتالي لي جالعىز دوپتىڭ يەسى اتاندى. الەكساندر بوروديۋكتىڭ پرەمەر-ليگاداعى العاشقى ويىنى جەڭىلىسپەن اياقتالدى. كەلەسى تۋردا «قايرات» كومانداسى سىرت الاڭدا كوكشەتاۋدىڭ «وقجەتپەس» كومانداسىنا قارسى وينايدى.
«جەتىسۋ» (تالدىقورعان) – «اتىراۋ» (اتىراۋ) 1:1
گولدار: باۋىرجان تۇرىسبەك 61 – ۇلان قونىسباەۆ 19.
«استانا» (استانا) – «شاحتەر» (قاراعاندى) 2:1
گولدار: دجوردجە دەسپوتوۆيچ 47, تاڭات نوسەرباەۆ 65 – كورنەليس ۋببينك 8.
ايتا كەتەيىك, ەرتەڭ ءبىرىنشى تۋردىڭ قالعان ويىندارى وينالاتىن بولادى. ول ويىنداردا مىنا كوماندالار كەزدەسەدى:
«ورداباسى» (شىمكەنت) – «اقتوبە» (اقتوبە)
«ەرتىس» (پاۆلودار) – «وقجەتپەس» (كوكشەتاۋ)
«توبىل» (قوستاناي) – «اقجايىق» (ورال).
ايان ءابدۋالي.
دەرەك: egemen.kz.
سۋرەت: vk.com.