اۋىلىم – التىن بەسىگىم

اۋىلدا ءبارى, اۋىلدا, اعايىن, تۋىس, باۋىر دا. ءتوزىمى بەرىك جۇرت سوندا, كەۋدەسىن توسقان داۋىلعا. تۇرىلگەن ەرتە تۇڭلىگى, قوڭىرقاي شارۋا تىرلىگى. اتاجۇرت, اردا ەرلەردىڭ, كەسىلگەن مۇندا كىندىگى. قايسارلىق تۇنعان قانىندا, تەكتىلىك سوققان تامىردا. اۋىلدى قولداپ, داۋىس بەر, قاراشا جۇرتىم, قاۋىمعا. اۋىلدا تۋعان نامىستى ەر, پرەزيدەنت, عالىم, عارىشكەر. شارۋانىڭ قامىن كۇيتتەسەڭ, اۋىلدى قولداپ داۋىس بەر. باسەكە, تالاس, نارىقتار, نارىقتا باعا شارىقتار. اۋىلدى قولداپ داۋىس بەر, اۋىلدان شىققان الىپتار! شاڭىراق, ۋىق, باسقۇرىڭ, اۋىلدا سالتىڭ-ءداستۇرىڭ. شارۋانى ويلاپ داۋىس بەر, قامباعا قۇيعان استىعىن. ءتورت ت ۇلىك مالىن وسىرگەن, جاز جايلاۋعا كوشىرگەن. ەرتەڭىڭ جارقىن بولادى, شىقپاسا اۋىل ەسىڭنەن. الماعان وتتان قازانىن, اۋىلدا بۇگىن عازال ءۇن. قارعا تامىر داۋىس بەر, اۋىلدىڭ ويلاپ اجارىن. جۇمىسسىز, ويسىز جۇرگەنشە, كوتەرسىن جاستار بىرگە ەڭسە. وتانىم كوكتەر اۋەلى, اۋىلىم ءوسىپ, گۇلدەنسە! اۋىلدى شىن ەر قولدايدى, اۋىلدى شىن ەر قورعايدى. اۋىلىڭ مۇڭلى بوپ تۇرسا, وتانىڭ نۇرلى بولمايدى. اۋىلدا ءبارى, اۋىلدا, مال-جانىڭ, باقشا, باۋىڭ دا. اۋىلعا جانىڭ اشىسا, تەزىرەك شەشىم قابىلدا! اۋىلدا اجەڭ, اتاشىڭ, الۋعا اسىق باتاسىن. اۋىلعا داۋىس بەرۋمەن, بيلىكتىڭ كوتەر, ساپاسىن! ايتاقىن بۇلعاقوۆ.