مىندەتتەرىن جەتىك بىلەدى

اتىراۋ وبلىسىندا 234 سايلاۋ ۋچاسكەسى بار. قازىر وڭىردەگى بارلىق ۋچاسكەلەرگە 243 بايقاۋشى تىركەلىپ, ولار ادىستەمەلىك سەمينار-ترەنينگتەردەن وتۋدە. بايقاۋشى وكىلەتتىگى بەرىلگەن ازاماتتار الداعى پارلامەنت جانە جەرگىلىكتى ءماسليحاتتار سايلاۋلارى ناۋقانىنا تىڭعىلىقتى دايىندالىپ, سايلاۋ زاڭنامالارى مەن حالىقارالىق تالاپتاردىڭ ساقتالۋىن قاداعالاۋعا بەيىمدەلىپ جاتىر. وسىعان وراي اتىراۋدا «قازاقستان رەسپۋبليكاسىنداعى سايلاۋدى بايقاۋ جونىندەگى رەسپۋبليكالىق قوعامدىق كوميسسيا» رەسپۋبليكالىق قوعامدىق بىرلەستىگىنىڭ مۇشەسى سۇلتان قاليەۆتىڭ قاتىسۋىمەن اتىراۋ قالاسىندا جانە اۋدانداردا «بايقاۋشىنىڭ سايلاۋ ۇدەرىسىندەگى ءرولى» تاقىرىبىندا ارنايى سەمينار وتكىزىلدى. – بۇل سەميناردىڭ باستى ماقساتى – بايقاۋشى وكى­لەت­تىگى بەرىلگەن ازاماتتاردى الداعى جاۋاپتى ىسكە دايىن­داۋ, ءىس بارىسىنداعى سايلاۋ زاڭ­دى­لىقتارى مەن حالىقارالىق نورمالاردىڭ ساقتالۋىن قادا­عالاۋعا بەيىمدەۋ, – دەيدى ساي­لاۋدى بايقاۋ جونىندەگى رەسپۋب­ليكالىق قوعامدىق كوميسسياسىنىڭ اتىراۋ وبلىس­تىق فيليالىنىڭ باسشىسى شىنارگۇل قايىروۆا. ونىڭ ايتۋىنشا, ەلىمىزدەگى سايلاۋ بارىسىن بايقاۋشى ەڭ الدىمەن «سايلاۋ تۋرالى» كونستيتۋتسيالىق زاڭدى جەتە ءبىلۋى شارت. ولاردىڭ باستى مىندەتى – سايلاۋ پروتسەسىنىڭ زاڭدىلىق تالاپتارعا ساي جانە ءادىل ءوتۋىن قاداعالاۋ. وسى ماقساتتا ولار قازىر قالا-اۋدان اۋماقتارىندا ءوز وكىلەتتىگىنە سايكەس جۇمىس جۇرگىزىپ جاتىر. بايقاۋشىلاردىڭ ايتۋىنشا, ازىرگە وبلىس اۋماعىندا قانداي دا ءبىر زاڭسىزدىق تىركەلمەگەن ءارى ساياسي ۇيىم وكىلدەرى اراسىندا دا قىرعي-قاباق قاتىناس كەزدەسكەن جوق. بايقاۋشىلاردى دايىنداۋ ءىسى كەلەسى سارسەنبىگە دەيىن تولىق اياقتالادى, دەيدى قوعامدىق كوميسسيا وكىلدەرى. – قازىر 180 بايقاۋشى سە­مي­نار-ترەنينگتەن ءوتتى, قالعان بايقاۋشىلاردى قىسقا مەرزىمدە وتكىزۋدى جوسپارلاپ وتىر­مىز. سونىمەن قاتار, اتى­راۋ وبلىستىق اۋماقتىق ساي­لاۋ كوميسسياسىندا جانە سايلاۋ ۋچاسكەلەرىندە بولىپ, سايلاۋالدى دايىندىق جۇمىس­تارىمەن تانىستىق. سايلاۋ كوميسسياسىنىڭ جۇمىستارى تالاپقا ساي, وتكەن جىلدارعا قاراعاندا پارتيالار اراسىندا سايلاۋ مادەنيەتىنىڭ وسكەندىگى بايقالادى, پارتيالاردىڭ ءوزا­را قارىم-قاتىناستارى جوعارى دەڭگەيدە, – دەپ اتاپ ءوتتى شى­نارگۇل قايىروۆا. جولداسبەك شوپەعۇل, «ەگەمەن قازاقستان». اتىراۋ.