رەسپۋبليكالىق سايلاۋالدى شتاب جەتەكشىسى اسقار مىرزاحمەتوۆ باستاپ كەلگەن دەلەگاتسيا قۇرامىندا ءماجىلىستىڭ V شاقىرىلىمىنىڭ دەپۋتاتتارى باقىتجان سماعۇل, نۇرلان ءابدىروۆ, حالىق قاhارمانى باقىتجان ەرتاەۆ, ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان, «جاس وتان» جق ءتوراعاسى شاحماردان بايمانوۆ, وليمپيادا چەمپيونى, «استانا ارلانس» كاسىپقوي كلۋبىنىڭ ديرەكتورى سەرىك ءساپيەۆ جانە ت.ب. تانىمال ادامدار بولدى.
ساپار بارىسىندا قىزىلوردا وبلىسىنداعى قاشىقتىعى 812 شاقىرىمدى قۇرايتىن «باتىس ەۋروپا – باتىس قىتاي» حالىقارالىق ءدالىزىنىڭ قۇرىلىسىنا قاتىسقان ۇجىممەن ۇگىت-ناسيحات توبى ارنايى كەزدەسۋ ۇيىمداستىردى. «اۆتوموبيل جولدارى باسقارماسى» جشس-ءنىڭ جۇمىسشىلارى حالىقارالىق ءدالىزدىڭ 40 شاقىرىمىن جاڭادان سالعان. ال كولىك-لوگيستيكالىق ينفراقۇرىلىمدى دامىتۋ – «نۇر وتان» پارتياسىنىڭ سايلاۋالدى باعدارلاماسى باسىمدىقتارىنىڭ ءبىرى. قازىردىڭ وزىندە قىزىلوردالىقتار تاس جول ءوڭىر ەكونوميكاسىنا جاڭا سەرپىن بەرگەنىن سەزگەندەرىن جاسىرمايدى.
پرەزيدەنتتىڭ «نۇرلى جول» جوباسى اياسىندا 395,5 مىڭ جۇمىس ورنىن اشۋ كوزدەلگەن. «نۇر وتان» پارتياسى سايلاۋالدى باعدارلاماسىندا وسى مəسەلەگە باسا نازار اۋدارىلسا, وسى ماقساتقا 22,5 ملرد. دوللار قاراجات ءبولىنگەنى بەلگىلى. ەندى ول كولىك, تۇرعىن ءۇي جəنە əلەۋمەتتىك ينفراقۇرىلىم سالالارىندا اۋقىمدى قۇرىلىس جۇمىستارىن جۇرگىزۋگە جۇمسالاتىن بولادى.
شتاب مۇشەلەرى, سونداي-اق, «جان-اراي» اگرويندۋستريالىق كەشەنىنىڭ ۇجىمىمەن دە كەزدەستى. اتالعان كەشەندە قۇراماجەم جانە كۇرىش جارمالارىن ءوندىرۋ مەن تازارتۋ جۇزەگە اسىرىلادى. قۇراماجەم زاۋىتىنىڭ قۋاتتىلىعى تاۋلىگىنە 80 توننا بولسا, كۇرىش وڭدەۋ زاۋىتىنىڭ قۋاتتىلىعى تاۋلىگىنە 150 تونناعا جەتەدى. رەسپۋبليكادا وسىرىلەتىن كۇرىشتىڭ 86 پايىزى وسى وڭىردە وسەدى. سونىمەن قاتار, وبلىستا قۋاتتىلىعى جىلىنا 11 مىڭ تونناعا جەتەتىن 8 بالىق وڭدەۋ زاۋىتى بار. 2015 جىلى ەكى كاسىپورىن 1,7 مىڭ توننا بالىق ءونىمىن ەكسپورتقا شىعاردى. بۇل 2013 جىلمەن سالىستىرعاندا 45%-عا ارتىق.
«نۇر وتان» رسش وكىلدەرى ءوڭىردىڭ سپورتشى قاۋىمىمەن دە كەزدەسىپ, «نۇر وتان» پارتياسى قولداۋشىلارىنىڭ فورۋمىندا باس قوستى.
اسقار تۇراپباي ۇلى,
«ەگەمەن قازاقستان».
قىزىلوردا وبلىسى.